Turjumaadda Barnaamijka Qalbi Idma'an ee Qays; Xalqadda 6aad: Qaxootiga Bilaa Hoyga ah

-


Xalqaddan Qays waxa uu tegayaa dalka Urdun. Waxa uu rabaa inuu caawiyo dadka barakacay ee qaxootiga ah. Waxa uu u tegayaa haweenay meel joogta. Waxa ay ag istaagayaan meel uu looxyada waawayn ( xaabada) iyo gaaska lagu iibiyo oo ay yaallaan. Qays waxa uu xidhanyahay dharkii shaqada. Wayddiimo ayuu wayddiinayaa. Hadalkan ayaa dhexmaraya:
- Maad shaqaysaa?
- Maya, waxa aan dalkan ku ahay Qaxooti.
- Halkeed ka timid.
- Suuriya.
- Waan ku faraxsanahay in aan ku arko.
Haweenayd magaceeda waxa la yidhaahdaa Warda. Waa qaxooti Suuriya ka soo qaxday. Waxba meel kama soo galaan oo dakhi ma leh. Ninkeedii wuu xanuunsanayaa, wax shaqo ah na ma hayo. Waxa ay deggantahay aqal kiro ah!
Qays waxa uu rabaa inuu faahfaahin ka helo Warda. Wuu waraysanayaa. Hadalladan hoose ayaa dhexmaraya:
- Inteed halkan joogtay?
- Illaa iyo 2013kii.
- Ma shaqaysaa?
- Maya hadda ma shaqeeyo, waayo ilmo yar ayaan naaska nuujiyaa. Carruurtayda kalana way yaryaryihiin oo kelidood kama tegi karo.
Halkan ay wada taagan yihiin waxa yaalla looxyo iyo Gaas. Maadaama ayna gabadhu shaqayn, Qays baa gabadhii waydiinaya " Ka warran haddii aad halkan ka shaqaysid? Oo aad looxyadan iyo Gaaskan nala iibisid?" Waxa ay u sheegaysaa inay ka shaqayn karto oo shaqadan qaban karto. Qays baa ku odhanaya " Iseed u shaqayn lartaa adiga oo ilmo yar naaska jaqaa xaafadda kuu joogo?" Waxa ay u sheegaysaa si kasta ha ahaatee inay ka shaqayn karto.
Ka dibna Qays baa kacaya oo u sheegaya inay Gaaska iibin doonto. Markaas ayay ku leedahay " Halkii xabbo ee qaybtaas Gaaska ah maxaan ku iibiyaa?" Ka dibna wuu u sheegayaa. Wuxuuna u sheegayaa inuu meel ugu qori doono qiimaha. Ka dibna Qays baa wayddiinaya " Shaqadani ma tahay mid kuu qalanta oo kugu habboon?" Warda ayaa leh " Haa, wax dhibaato ahi ma jirto." Ka dibna wuxuu wayddiinayaa " Maxaad shaqada ugu baahantahay?" Waxa ay leedahay " Waayo, carruur ayaan haystaa. Waanan murugaysanahay, oo aad ayay ii dhaawacaysaa." Ka dibna duruufteeda ayay uga warramaysaa. Waxa ay xusaysaa in ninkeedii xanuunsanayo, oo ayna awoodin wax ay dhakhtar ku geeyaan.
Waxyar ka dib haweenaydii murugo darteed ayay ooyaysaa. Ka dibna Qays baa soo saaraya Envelope. Wuu u dhiibayaa. Waxa ku jirta lacag, waxaana la socota farxad.
Asxaabtaadana la wadaag ama ku mentioned garee.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more