Turjumaadda Barnaamijka Qalbi Idma'an ( قلبي اطمأن ) ee Qays ; Xalqadda 7aad: Dadka bilaa Hoyga ah

-

 

Qays waxa uu bilaabayaa mashruuciisii khayriga ahaa. Waxa uu rabaa inuu caawiyo dad ku nool xeryo qaxooti. Waxa uu tegayaa xeryo qaxooti. Waxa uu arkayaa oday wayn. Odayga magaciisa waxa la yidhaahdaa Madar. Madar waa oday soo barakacay, waxa uu ku noolyahay xeryaha qaxootiga. Wax dakhli ahi ma soo galaan. Gurigiisii iyo iyo shaqadiisii ba dagaallo ayuu ku waayay! Maanta gacma madhbaan ayuu ka joogaa. Qays baa doonaya inuu waraysto. Hadalkan baa dhexmaraya: - Iska warran? - Shaykasta waa saxdii. Naxariista Rabbi uun baan u baahannahay. Adigu ururkeed ka socotaa? - Waxa aan ka imid dalka Imaaraadka. - Soo dhawaw. Taageerradaada ayaan u baahanahay. Madar, Carabta ayuu ka cabanayaa, wuxuuna sheegayaa inay yihiin dad liita. Iyo sidoo kale inay waxyeello u gaysteen oo hantidoodii burburiyeen, carruurtoodiina dileen. Waxa kale oo Madar sheegayaa inuu ahaan jiray biroole. Waxa kale, oo uu sheegayaa in sannadkii 2014kii uu ku dhacay xanuunka la yidhaahdo Istarooggu. Madar carruur waxa uu haystaa kaliya hal wiil. Marka uu xaaladdiisa ka sheekaynayo Madar aad buu u murugoonayaa, wuuna ilmaynayaa. Qays baa ku odhanaya " Ka warran haddii aan gurigaagii kuu dhisno." Madar, waxa uu u sheegayaa inuu aad ugu baahanyahay. Qays baa ku odhanaya " Markaa maad iskaga tegi xeradan qaxootiga?" Madar baa leh " Haa, waan iskaga tegayaa. Waayo, halkan waxba kuma hayo." Ka dibna Qays baa ku odhanaya " Berri dad baa kuu iman doona, oo hawshaas dibucelintaada bilaabi doona." Madar wuu yaabayaa, wuxuuna u sheegayaa inuu aad ugu faraxsanyahay, waxa kale oo uu xusayaa in riyadan uu in badan lahaa, se maanta Alle u rumeeyay. Ka dibna Madar wuu farxayaa, wuxuuna leeyahay " Labada dal waa walaalo, hal mid baynu nahay, gurigaygii ayaan dib u dhisan doonaa, tukaankaygiina waan furan doonaa oo dib baan u soo ceshan." Wuu caawinayaa. Ka dibna wuu dhunkanayaa. Isaga oo faraxsan ayuu ka tegayaa. Muqaalka halkan ka daawo: https://www.youtube.com/watch?v=CvOd5gEZ9jI

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more