Sookoobidda Barnaamijka ( قلبي اطمأن ) ee Qays: Xalqadda 1aad

-


Xalqaddan koowaad waxa uu tagayaa dalka Urdun. Wuxuu markiiba Qays la kulmay nin xooggiisa maalaya. Ninkani maalin biraha ayuu tumaa, maalinna waxbuu gadaa, maalinna baabuurta ayuu maydhaa. Waa xoogsade kolba dhinacii duruuftu sababtu u rida. Magaciisa waxa la yidhaahdaa Bilaal, mushahar yar ayuu qaataa, saddex qof oo uu dhalay ayaa Jaamacadda ugu jira! Dayn ayaa lagu leeyahay.

Ninkaasi meel laabeejo ah ayuu markan joogaa, Qays baa u tagaya ka dibna ku odhanaya " Maxaad qabataa?' Ninkii baa odhanaya " Baabuurta ayaan maydhaa, waxaanan qabtaa shaqooyinka dhaqidda baabuurta IWM. Had iyo jeer waar werwersanahay oo walaac baa I haya. Noloshana Alle kaliya ayaa na caawiya. Dadka oo dhanna caqabado ayay wajahayaan oo dhibaato ayaa haysata." Qay wuxuu ka dalbayaa inuu gaadhiga u maydho, welibana waxa uu u tilmaamayaa sida uu ugu maydhayo. Ninkii ayaa gaadhigii dhammaynaya.

Qays ayaa ka codsanaya inay wada sheekaystaan oo waxoogaa wada hadlaan, wuu ka aqbalayaa oo way isxaalwaraysanayaa, wuxuuna u sheegayaa xaaladdiisa dhabta ah.

Intaas ka dib Qays ayaa ninkii u sheegaya inuu walaalkiisan Qays oo Imaaraadka ka yimid caawin doono. Kiish ay farriin iyo lacagi ku jiraan ayuu boorsadiisa uga soo bixinayaa. Kiishkaas ayuu guddoonsiinayaa. Ninkii ayaa kiishkii dhunkanaya, ka dibna wuu sujuudayaa.

Ka dibna waxa uu kiishka ka soo saarayaa farriin odhanaysa " Bilaaloow, adigu farxad ayaad u qalantaa. Carruurtaaduna Fiigii Jaamacadda waa laga dammaanad qaaday, oo annaga ayaa maalgelinnay, wayna heleen. Dadku way isku tiirsanyihiin, oo iyaga ayaa wax isku ah." Waxa kale, oo uu ugu darayaa oo siinayaa lacag uu daynta iskaga bixiyo.

Bilaal ayaa u ducaynaya Qays, wuuna ilmaynayaa, wuxuuna u sheegayaa inuu hawl culus ka furtay, toddobaadkii ugu danbeeyayna werwer badan hayay. Ka dibna HAB ayuu siinayaa, oo laabta ayuu gelinayaa.

Intaas ka dib isaga oo faraxsan ayuu ka tagayaa.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more