Safiya Bintu Cabdimuddalib: Nebiga Eddadii: Taariikhda Haweenkii Saxaabiyaatkii Nebi Muxammed SCW: Xalqaddii 2

-


Safiya, garoonnadii Jihaadka doorar badan oo waxku’ool ah ayay ku lahayd, oo taariikhdu way xustay, haddaba maalmahaas adkaa ee jihaadka lagu jiray kaalinta ay Safiya kaga jirtay laba dhacdo oo waawayn aynu soo qaadanno: Dhacdadii maalintii Uxud, iyo dhacdadii maalintii Khandaq.
Dagaalkii Uxud, Safiyay waxa ay raacday koox Ciidamadii Muslimiinta ka mid ah, iyada oo rabta inay jidka Alle u jihaadaan. Safiya biyaha ayay dhaaminaysay, dadka harraada ama ooma ayay waraabinaysay, leebka iyo qaansada ayay u hagaajin jirtay, kana caawin jirtay. Sidoo kale, ujeeddo wayn ayay u haysay, oo dagaalka oo dhan ba dareennadeeda ayay ku guubaabin jirtay.
Waxa cajiib ahayd inay saaxadda la joogeen inankii walaalkeed dhalay ee Muxammad SCW- Rasuulkii Alle; Walaalkeed Xamse Binu Cabdilmuddalib- Libaaxii Ilaahay; iyo inankeedii Subayr Binu Cawaam, oo ka mid ahaa dadka Nebiga ugu dhawdhaw.
Markii ay aragtay in Muslimiintii ay ku dhawyihiin inay kala firdhadaan oo inyar Nebiga ku soo hadhayso, gaaladiina ay u dhawyihiin inay Nebiga gaadhaan way u gurmatay. Safkii ayay gashay, gaaladii ayay weerartay oo warmihii ayay qaadatay, oo gaal ayay wejigiisa kala dhacaysay waran.
Markii Nebigu SCW arkay Safiya oo xaggiisa u soo socota wuu u cabsaday, wuxuuna uga cabsooday inay aragto walaalkeed Xamse oo la dilay oo gaaladu jidhkiisii qurubqurub u googoysay, markaa inankeedii Subayr ayuu farta ugu fiiqay, oo wuxuu ku yidhi “ Gabadha [hooyadaa] la hadal oo ka jooji [inay Xamse u gasho] Subayroow… Gabadha [hooyadaa] la hadal oo jooji [inay Xamse u gasho] Subayroow …” Subayr baa hooyadii joojiyay oo wuxuu ku yidhi: “ Hooyo ka fogoow, hooyo ka fogoow…” Markaas ayay tidhi: “ Hooyo waaye, noo bannee.” Markaas ayuu inankeedii Subayr ku yidhi: “ Rasuulka Alle ayaa ku amray inaad dib u noqotid.” Markaas ayay Safiya tidhi: “ Sabab? Waxaa isoo gaadhay in walaalkay la googooyay, arrintaasina xagga Alle ayay ka timid.” Markaas ayuu Rasuulku yidhi: “ Subayroow, iska sii daa, oo u bannee.” Markaas ayaa la sii daayay.
Markii dagaalkii dhammaaday Safiya walaalkeed Xamse ayay dul istaagtay; waxayna aragtay walaalkeed oo calooshiisa la dillaaciyay, beerkiisiina lagala baxay, sankiisiina la googooyay, dhegihiisiina la jarjaray, iyo wegisii oo laga garaacay oo isbeddelay oo midabdoorsoomay. Markaas ayay Alle u danbidhaaf wayddiisay, waxayna tidhi hadal ah “ Arrintaasi xagga Alle ayay ka sugnaatay, Qaddarka Alle iyo jaagoyntiisana raalli baan ku ahay. Wallaahi waan samrayaa, Allena ajar ayaan xaggiisa ka rejaynayaa inuu arrintaas iga siiyo Insha Allah.”
Arrintaasi waa maqifkii Safiya maalintii dagaalkii Uxud.
La soco qaybta xigta. Asxaabta gaadhsii ( share) ama ku mentioned garee.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more