Faallada buuga ‘ Ninkii ugu farxadda badnaa dunida’

 

Hordhac

Buugan la yidhaahdo ‘ Ninkii ugu farxadda badnaa dunida ~ THE HAPPIEST MAN ON EARTH ’ waxa qoray qoraa Eddie Jaku. Wuxuu kaga warran sifooyinka ay leeyihiin dadka ugu farxadda badan dunidu iyo waxyaabaha gaarka ah ee ay sameeyaan. Qoraagu wuxuu buuga soo saaray sannadkii 2010kii.

Nuxurka Buuga

1- Waxa jira waxyaabo badan oo lacagta ka qaalisan

Way fududdahay in aad maskaxda ka dhaadhicisid in in lacagtu tahay shayga kaliya ee ugu qaalisan ama kaydka ugu muhiimsan ee bulshadu haysato. Lacagtu had iyo jeer waa mid ku meelgaadh ah, oo la mid ah waxyaabaha kale ee nolosha jira. Waa la helaa, waana la waayaa, balse intee in leeg lacaga ayaad rejaynaysaa haddaad heshid in aad farxad dareemaysid?

Waxa jira waxyaabo badan oo lacagta ka qaalisan, waxyaabahaas waxa ka mid ah:

-         Khibradda.

-         Xidhiidhadhada wanaagsan

-         Qofka oo yeesha ujeeddo.

-         In dadka si wacan loo caawiyo.

Eddie wuxuu yidhi: “ Waxa jira waxyaabo badan oo dunida jira oo aan lacag lagu iibsan karin, iyo waxyaabo aanay lacagi goynin.”

2- Berri way imanaysaa haddaad noolaatid

Dadku intooda badan way niyadjabaan, waayo waxa dareensanyihiin in dhibaatadu ayna dhammaan. Way isxakameeyaan, waayo hiigsigooda waxa ku hareeraysan waxyaabo yaryar halkii ay ku hareeraysnaan lahaayeen sawirro waawayn ama waxyaabo waawayn.

3-  Naxariista meelkasta waad ka heli kartaa, xataa socotada

Haddii aad tallaabo qaaddid- xataa waxyar- waxa aad ogaan doontaa in aanad kelidaa ahayn. Dhibaatada ugu wayn ee jirtaa waa in aynaan si furan aynaan uga hadli karin nafaheenna, nolosheenna, iyo arrimaheenn.a Dunida keli kuma tihid. Waxa jira dad ku caawinaya haddaad nugayl iyo jilayc dareentid.

4- Saaxiib kaliya

‘ Shayga ugu wayn ee aad weligaa qaban kartaa waa in qof ku jeclaado.’ — Erayadan ku celceli illaa inta aad rumaysanaysid in jacaylka iyo saaxiibtinnimadu ay yihiin dawada ugu wanaagsan. Anigu arrintan waan xoojinayaa, si gaara waxa aan ugu xoojinayaa dhallinyarada. Saaxiibtinnimo la’aan dadku waa wax bala’aan. Saaxiibku waa qofka ku xasuusinaya in aad nolosha ku raaxaysatid.

5- Waxbarashadu waa badbaadiyaha nolosha

Uma jeedo waxbarashada nidaamiga ah marka aan ‘ waxbarasho’ ka hadlayo. Haa, waxbarashada nidaamiga ah ama caadiga ahi waa mid wanaagsan, waana fursad wayn; balse barashada nolosha ayaa ka muhiimsan, oo ka adag. Fahanka xeerasha dabeecadda bini’aadanka, aragtiyaha dunida, iyo barashada sida aad dunida ula xidhiidhaysid, dhammaantood waa tusaalayaasha barashada nolosha. In aad naf ahaan isku filnaatid iyo in aanad cidna ku tiirsanaanin ba waa nolol wanaagsan.

Waxa laga yaabaa in aanad baddelin dunida, waayo taasi waxa ay ka wayntahay awooddaada, balse naftaada waad baddeli kartaa. Isbeddelku waa suurtagal,marka laga yimaad waxa aad aamisantahahay, balse wuxuu u baahanyahay habdhaqan.

 

Diyaarin: Library Mindset ( English)

Sookoobid: Cabdirisaaq Sandheere

Noofanbar, 2024