Sookoobidda buugga “Waddada Guusha~الطريق الي الامتياز”
Hordhac
Buuggan la yidhaa “Waddada Guusha.” Waxan qoray Dr Ibraahin
Al Fiqi. Ibraahin, waxa uu ahaa tababbare, iyo aqoonyahan wayn oo ku takhasusay
aqoonta horumarinta Bini’aadanka. Waxa
uu u dhashay dalka Masar. Waqtigii hore waxa uu ka soo shaqeeyay Hudheello
Kanada ku yaalla, oo markii danbe uu maamul ka noqday.
Waxa uu qaatay 23 Diblooma ah, iyo 3 shahaadooyin sare ah oo
ku saabsan horumarinta bini’aadanka.
Shahaadada sare ee Ph.D waxa uu ka qaatay Jaamacadda Loosanjalis ee
dalka Maraykanka. Wuxuunna ku diyaariyay Metaphysics. Waxa uu aasaasay xarumo
badan oo qaarkood lagu barto culuunta Horumarinta Bini’aadanka. Qaarna ka
shaqeeyaan horumarinta bini’aadanka.
Waxa uu ahaa qoraa qalinkiisa aad loo jecelyahay. Buugaag
badan ayuu qoray. Buugta uu qoray waxa ka mid ah buugga la yidhaa “ Maaree
Noloshaada.” Iyo “ 10ka Fure ee Guusha.” Buugtiisa waxaa lagu turjumay Shan
Luuqadooda, oo kala ah: Faransiis, Carabi, Kurdi, Ingiriisi, iyo Induunisi. Buugtiisa
intooda badan waxa Af Soomaali u turjumay Ismaaciil Tukaale Cige. Buugganna Af
Soomaali wuu ku turjumay Ismaaciil, oo waa la heli karaa.
Sidoo kale, waxa uu ahaa khudbadjeediye wayn. Kulamadiisa
waxaa soo xaadiri jiray kumannaan qof oo meelo kaladuwan uga iman jiray. Waxa
uu ku hadli jiray saddex luuqadood: Carabi, Faransiis, iyo Ingiriisi. Waxa uu
geeriyooday sannadkii 2012kii.
Buuggan waxa uu kaga warramayaa, waddada guusha loo
maro.
Nuxurka
Buugga
Qoraagu waxa uu xusayaa in Bini’aadanka dhammaantii waqti
isku mid ah wadahaystaan, ayna ku xidhantahay sida ay uga faa’ideystaan, oo
qofkii dadaalaa uu guuleysanayo; kii isdhigtaana uuna guuleysanayn. Waxyaabaha
guusha lagu gaadho, qoraagu waxa uu ka dhigayaa kuwan:
1-
Yool.
2-
Ku xidhnaanshaha
Ilaahay, sida in Ilaahay la rumeeyo, daacad loo noqdo, cibaadadana loo
badhaxtiro.
3-
Talasaarashada Alle.
4-
Filashada wanaagsan.
5-
Cafiska.
6-
Hawl la qabto.
7-
Dadaal.
8-
U jeeddo.
9-
Samirka.
10- Joogtayn.
Gebagebo
Qoraagu waxa uu buugga ku qaadaadhigayaa Waddada Guusha. Waxkale
kama warramayo. Intaas ayuu si faahfaahsan uga warramayaa. Si guud ayaynu u
dulmarnay. Intaas ayaan ku soo koobaynaa.
W/Q: Cabdirasaaq Sandheere
April 07, 2020.
Comments
Post a Comment