Turjumaadda Barnaamijka Qalbi Idma'an Xalqadda 16: Caafimaadka

-

 

Qays, waxa uu bilaabayaa barnaamijkii khayriga ahaa. Markan waxa uu ka fulinayaa dalka Ciraaq. Waxa uu u tegayaa nin da' dhexaad ah. Wuu salaamayaa. Waxa uu doonayaa inuu waraysto. Ninka magaciisa waxa la yidhaahdaa Saddaam. Saddaam waa bilaa shaqo, waana bilaa dakhli. Waxa uu ka masuulyahay qoys ka kooban 9 qof. 5 ka mid ah carruurtiisii wuxuu ku waayay sabab xanuun darteed. Waraysigan ayaa dhexmaraya: - Halkan shaqo ayaad joogtaa, sax? - Haa. - Waxa la ii sheegay in shaqadu tahay Najaar. - Haa, waxayna ii sheegeen inay u baahanyihiin Nijaar. - Waxba ma akhridaa, ama ma qortaa? - Maya, inyar baan akhriyaa, adeerkay iima oggolaan inaan dugsi dhigto. - Hadda ka hor ma waxaad ku shaqayn jirtay Nijaar? - Maya, weligay hore ugu ma shaqayn. - Wax ku saabsan nijaarnimada ma taqaannaa? - Maya, waxba kama aqaan. Waxaanse isku dayayaa inaan waqti badan geliyo oo barto. Ka dib Qays waxa uu u sharraxayaa habka loogu shaqeeyo qalabka, kuwa looxyada, iyo najaarku ku shaqeeyaba. Qalabka sida Miishaarta, dubbaha IWM ayuu barayaa. Marka ay muddo sheekaystaan Saddaam waxa uu u sheegayaa inuuna wax dhaqaale ahi meelna ka soo gelin, iyo in ayna jirin meel uu ku tiirsanyahayba. Waxa kale oo uu u sheegayaa inuu xasuuso xun la noolyahay, oo wiilkiisii yaraa 2 sano jir ahi ka xanuunsanayo, markii uu Farmasii geeyayna loo sheegay inaan Farmasiigu waxba ka qaban karine uu dhakhtar geeyo, muddo 14 maalmood ah ma arkin buu leeyahay, ka dibna waxa la ii sheegay in wiilkaygii dhintay. Ka dib Saddaam waxa uu u sheegayaa in haddana wiil ka xanuunsanayo, oo muddo sannad iyo badh ah uu jiifo, uuna rabay inuu dhakhtar geeyo, balse Dhakhtarkii uu awoodi waayay oo lacag u waayay. Intaas ka dib Qays, waxa uu isku dayayaa inuu caawiyo. Marka hore wuu isku sharraxayaa. Ka dibna Boorsadiisa ayuu bushqad ka soo saarayaa, bushqadda waxa ku jìra farriin iyo lacag. Farriintu waxa ay tahay " Sayid Saddaamoow, adigu waxa aad u qalantaa farxad. Waxa aannu kaa kafaala qaadi doonaa lacagta dawaynta wiilkaaga. Dadku way isku tiirsanyihiin." Intaas ka dib odaygii wuu ilmaynayaa, ilmo farxadeex. Ka dibna wuu dhunkanayaa oo qooraqooraynayaa. Halkan ka daawo: https://youtu.be/3HUYpRM4VYg

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more