Sookoobidda Buugga “Getting Things Done~ Hawshaada Qabso.”
Hordhac
Buuggan la yidhaa “Getting Things Done ~ Hawshaada
Qabso.” Waxa qoray
David Allen. David, waa qoraa iyo
lataliye. Waxa uu inta badan ka hadlaa oo caan ku yahay maamulidda waqtiga.
Buugaag kala duwan ayuu qoray. Buugaagta uu qoray waxa ka mid
ah buugga la yidhaa “ Ready for Anything: 52
Productivity Principles for Work and Life.” Oo uu 2003dii soo
saaray. Waxa kale, oo uu qoray “Making It All Work: Winning at the Game of Work
and Business of Life” oo uu 2008dii soo saaray.
Buuggan “Getting Things Done” waxa uu soo saaray sannadkii
2001dii. Maralbaad waxa uu dib u daabacay sannadkii 2015kii. Waa 267 bog. Waxa
uu kaga warramayaa in qofku wuxuu qorsheystay fuliyo, oo ficil u baddelo, iyo
in qofku uu werwer iyo wax la mid ah iska ilaaliyo si uu waxsoosaarkiisu u
bato.
Nuxurka
Qoraagu waxa uu yara sharraxayaa ‘ Diiqadda iyo werwerka’
wuxuunna ku sheegayaa inay yihiin wax qofka ka dhiga mid aan dhammaystirnayn,
oo kala dhantaalan.
Werwerka waa la yarayn karaa, ama meeshaba waa laga saari
karaa ayuu qoraagu leeyahay. Waxa loo yarayn karaa:
1-
In qofku qorshe yeesho.
2-
In qofku isxisaabiyo.
Qofku waa inuu waxa uu ku fekerayo ficil u baddelaa. Waxa uu
ficil ugu baddeli karaa isaga oo tallaabooyinkan mara:
1-
Inuu waxa uu qabanayo
sawir ka haysto.
2-
Inuu caddeeyo.
3-
In uu habeeyo (
Organize).
4-
Inuu ka falceliyo.
5-
Inuu sii wato oo
gudagalo.
Qoraagu waxa uu ka warramayaa ‘ Fulinta’ oo qofku waa inuu
fuliyaa hawsha uu qorsheysto.
Allen, waxa kale oo uu xoogga saarayaa laba qodob oo muhiim
ah: Xakamaynta iyo qofku dhinaca uu wax ka eegayo ( perspective.)
Waa inuu qofku labadaa arrin isku beegaa, oo iska dhisaa.
Waxa
kale, oo uu qoraagu ka warramayaa lix heer oo ah “ Noocyada Diiradda.” Lixda
dhinac ee diiradda la saarayaa waa:
1-
Nolosha.
2-
Hiraallada dhaadheer.
3-
Yoolasha 1-2 sannada ah.
4-
Meelaha diiradda la
saaro, iyo masuuliyadda.
5-
Mashruucyada socda.
6-
Ficillada/shaqooyinka
socda.
Gebagebo
Qoraagu waxyaabaha aynu soo sheegnay ayuu kaga warramayaa. Si
guud ayaynu u dulmarnay. Intaas ayaan ku soo koobayaa.
W/Q: Cabdirasaaq Sandheere
29 Abril, 2020.
Comments
Post a Comment