Sookoobidda Buugga “15 Secrets Successful People Know About Time Management~ 15ka Sirood ee Guulaystayaashu Maaraynta Waqtiga Ka Yaqaannaan.”
Hordhac
Buuggan la yidhaa “15 Secrets Successful People Know
About Time Management~ 15ka Sirood ee Guulaystayaashu Maaraynta Waqtiga Ka
Yaqaannaan.” Waxa qoray Kevin
M. Kruse, oo ah Bare Jaamacadeed oo Sooyaalka ka dhiga Jaamacadda Princeton.
Waxa uu u dhashay Dalka Maraykanka. Sidoo kale, waa qoraa.
Waxa uu xiiseeyaa oo wax ka qoraa Siyaasadda, arrimaha Bulshada IWM. Buugaag
kalana wuu qoray. Buugta uu qoray waxa ka mid ah “ One Nation Under God.”
Cinwaanhoosaadka buuggu waa “The Productivity Habits of 7 Billionaires, 13 Olympic
Athletes, 29 Straight-A Students, and 239 Entrepreneura ~ Caadooyinka waxtarka
leh ee ay lahaayeen 7ba Bilyaneer, 13 Ciyaaryahanno Olombik ah, 29 Ardey
Xariifiina oo A ah, iyo 239 Hal’abuurayaal ganacsi ah.”
Buuggu waxa uu ka warramayaa maaraynta waqtiga. Waa 302 bog marka uu PDF yahay. Wuxuunna sheegayaa 15 siro oo
guuleystayaashu waqtiga u maareeyaan, kana ogyihiin. Qaar ka mid ayaan soo
qaadan.
Nuxurka
Qoraagu waxa uu xusayaa waxyaabaha guuleystayaashu ka
yaqaannaan waqtiga. Waxaana ka mid ah:
1- Waxa ay
xooggasaaraan daqiiqada, xoogga kaliya ma saaraan saacadaha: Waxa uu halkan
qoraagu xusayaa in guulaystayaashu ay xooggasaaraan waxa ugu yare e waqtigooda
ah. Halkii ay kaga xisaabtami lahaayeen saacadaha, waxa ay kaga xisaabtamaan
daqiiqadaha. Qofku haddii uu waxa yar diiradda saaro, waxa wayna wuu ka
faa’ideysan karaa.
2- Shey kaliya
ayay waqti qabtaan: Halkan waxa uu ka wadaa arrimaha iskuma dulwadaan. Shey
ayay qabtaan oo ka soo dhalaalaan. Markay kaa dhammeeyaan ayay ka kale
bilaabaan.
3- Ma isticmaalaan
Liis: Qoraagu waxa uu ku doodayaa inayna isticmaalin Liis sheegaya waxa ay
qabanayaan.
4- Waxa ay iska
ilaaliyaan Caajiska/wahsiga: Waqtiyada ay wax qabanayaan waxa ay aad iskaga
ilaaliyaan caajiska, iyo waxkasta oo caajis iyo wahsi ku sababaya.
5- Waxa ay
samaystaan Note Book: Waxa ay leeyihiin Buug ay ku qortaan kolba waxa ay doonayaan
inay qabtaan.
6- Waxa ay iska
ilaaliyaan kulama ay lacagtu kaga baxayso: Macne ahaan, kuma badna kulama.
7- Inta badan waxa
ay isticmaalaan ‘ Maya’: Waa dad diidmada waxyaabaha qaar yaqaanna oo aan
waxkasta yeelin.
8- Waxa ay
sameeyaan shaqada u taalla: Waxa ay qabtaan waxyaabaha ka qabyada ah.
Gebagebo
Qodobbada intaas ayaan muhiim u arkay oo soo qaatay. Waxa
aad mooddaa kuwa kale in ayna qofka waxbadan ku kordhinayn. Sidaas dardeed
ayaan uga tagay. Intaas ayaan ku soo koobayaa.
W/Q: Cabdirasaaq Sandheere
26 Abril, 2020.
Comments
Post a Comment