Gorfeynta Buugga “ Before You Quit Your Job.”
Hordhac
Buuggan la yidhaa “ Before You Quit Your Job ~ Ka hor
intaanad iska casilin Shaqadaada” Cinwaanhoosaadkiisuna yahay “10 Real-Life Lessons Every Entrepreneur Should Know About
Building a Multimillion-Dollar Business ~ 10ka cashir Nololeed ee Dhabta ah ee
ay Tahay inuu Hal’abuur Ganacsi oo kastaa o gaado, oo ah sidii uu uu Dhisi
Lahaa Ganacsi Malaayiin Doollar Macaasha.”Waxa qoray ganacsade Robert Toru Kiyosaki, dhashay
1947kii, haddana nool. Oo ah qoraa, iyo Ganacsade Maraykan ah. Ah na aasaasaha
Rich Global LLC iyo the Rich Dad Company, iyo ganacsiyo kale oo gaar
ahaaneed. Waxa qoridda ka caawiyay oo la qoray John
Fleming iyo Kim Kiyosaki. Qoraagu
wuxuu caan ku yahay ka hadalka iyo waxka qoridda arrimaha Ganacsiga iyo
dhaqaalaha. Wuxuu qoray buugaag badan oo sida la sheegay 26 sare u dhaafay.
Buugta uu qoray waxa ka mid ah buugga ‘ Why A students work for C Studenst, and
B students for Government.’ Sidoo kale, waxa uu qoray ‘ Rich Dad’s Increase
Your Financial IQ.’ Robert Kiyosaki’s Conspiracy of
the Rich, The 8 New Rules of Money.” “Rich Dad’s Success Stories” iyo ‘Rich
Dad Poor Dad.’
Buuggu, waxa uu ka koobanyahay
209 bog. Waanna 10 cutub, oo isdabayaalla.
Buugga waxa uu kaga warramayaa
10 Cashir oo qofku markuu doonayo inuu ganacsi samaysto uu ogaado. Tobankaas
qodob ayaynu si kooban u dulmari.
Nuxurka
Qoraagu maadaama uu ku caan
ahaa wax ka qoridda, iyo ka hadlidda waxyaabaha la xidhiidha ganacsiga, waxa uu marka hore iswayddiinayaa:
hal’abuurnimada ganacsi ma dhalashaa, mise barasho? Waxa uu kaga jawaabayaa,
jawaab uu siiyay aabbihiisii hodanka ahaa, oo ahayd “ waa loo tababbartaa.”
Qoraagu cashirradan, uu buugga
ku sharraxayo isagaa la soo kulmay, oo waxa uu sheegayaa in sannadkii 1979kii
uu shaqadiisii shaqaalennimo ka tagay, dabadeedna isagu bilowday shaqo u gaar
ah markii danbe. Se intuuna bilaabin waxa uu sheegayaa markii uu shaqadaa ka
tagayay inuuna lacag haysayn, ee uu shiid ahaa. Wax xataa uu alaabta Xafiiska
la dhigayo, ama kirada xafiiska uu ku bixiyo ma haynin.
Hal’abuurayaasha ganacsi ee
iyaga oo aan dugsiga dhammayn ganacsiyo waaweyn sameeyay, qoraagu qaar ka mid
ah ayuu sheegayaa. Waxa ka mid ah: Thomas Edison,
Aasaasaha ‘ General Electric.’ Henry
Ford, Aasaasaha ‘ Ford Motor Company. Bill Gates, aasaasaha of Microsoft.
Richard Branson, aasaasaha Virgin.
Michael Dell, aasaasaha Dell Computers; Steven Jobs, Aasaasaha Apple Computers
and Pixar; and Ted Turner, Aasaasaha of CNN.
Isbeddelka uu qofku
iska beddelayo shaqaalennimo, ee uu noqonayo hal’abuur ganacsi ayuu qoraagu
xusayaa. Waxa uu sheegayaa markasta oo abbihiisii faqiirka ahaa uu yidhaa ‘
Dugsiga tag, si aad shaqo u heshid hadhow’ wuxuu soo qaadan jiray, oo ka hadli
jiray amniga. Halka aabbihiisii hodanka ahaa, markasta oo uu kala hadlayo
hal’abuurka ganacsi, waxa uu ka hadli jiray XORNIMO. Dabadeedna, qoraa Robert
waxa uu leeyahay Aabbahaygii hodanka ahaa ayaan ku idhi “ Miyayna Amni iyo
Xornimo isku mid ahayn?”Waxa uu ugu jawaabay: “ Isku mid maaha. Way iska soo
horjeedaan. Markasta oo aad ammaan hesho, xorriyaddaada ayaa yaraata… Shaqaaluhu
waxa ay jecelyihiin nabadda; halka hal’abuurrada ganacsi ay jecelyihiin
xornimada.”
Lacagta saddex nooc
ayuu qoraagu u qaybinayaa. Saddexdu waxa ay kalayihiin:
1- Competative Money: Waa lacagta ay dadku inta badan u shaqeeyaan,
ee ah inuu qofku biil ahaan u helo, dallacsiin loo sameeyo, waxayna ka soo
horjeeddaa, oo caqabad ku noqonaysaa tartanka ay shirkaddu ku jirto.
2- Cooperative money: Waa lacagta qaab wadashaqayn,
ama iskuxidhnaan ah lagu helo, ee kooxi wadahesho.
3- Spiritual money: Waa
dadka qorshaha, iyo hiraalku u cadyahay ee ganacsiyada lacag ay ku degaan ka
raaddiya, waanna nooca ugu wanaagsan lacagaha.
Ganacsiga, iyo qaabka loo aasaaso shirkadaha iyo ganacsiga u
qaybinayaa. Saddex qaab ayuu qoraagu qaybinayaa. Saddexda qaybood waxa ay
kalayihiin:
1- Kuwa dadkii ku habboonaa
ganacsiga u raaddiya.
2- Kuwo fursadaha habboon uun eegta.
3- Kuwo lacagta uun raaddiya.
Inta aanad shaqada
iska casilin intan soo socota ogsoonoow, oo sii qorsheyso:
1- Waa inaa d lahaatid awooddii aad shaqaalannimadan ugu baddeli
lahayd hal’abuure.
2- Awooddii aan ku hawlgeli lahayd ee aad wax ku qaban lahayd adiga
oo aan lacag haysan.
3- Awooddii aad fursadaha ku ilaashan lahayd in ka badan hantida.
4- Waa inaad lahaatid awoodo maamul oo kaladuwan oo aad ku maammuli
kartid dad kaladuwan.
5- Inaad isku xidhka wadashaqaynta iyo tayada xooggasaartid, in ka
badan inta aad xooggasaartid dallacsiinta, iyo biilka.
6- Weligaaba ahaw qof firfircoon oo wax korodhsanaya- ma jirto maalin
qalinjebineed, macne ahaan yayna jirin maalin aad waxbarashada soo
gebageynaysid, oo aad halkaa ku joojisaa.
7- Waxbarashada guud yeel, oo si guud u baro, halkii aad qayb ahaan
ka baran lahayd.
8- Isku dhiirrigeli inaad ganacsiga dhammaantii masuul ka ahaatid.
10ka Qodob ee
Hal’abuurka Ganacsi Milyaneer ku noqon karo
Qoraagu 1okaas
qodob ayuu ku sharraxayaa buugg Intiisa dabe. Qodobbadaas ayaynu soo qaadan:
1- Ganacsiga guulestay waxaa la abuuuraa isaga oo
aan ganacsi jirin: Qoraagu waxa uu ku sheegayaa in
qofku isaga oo aan ganacsigii weli bilaabin uu sii ogaado ujeeddooyinkiisa,
meesha uu ka samaynayo, waxa ku baxaya, waxa ka soo galaya, waxa kaga baxaya
IWM ah. Waa inuu qorshe ka sii lahaado.
2- Baro sida nasiibka xun loogu baddelo nasiib wanaagsan: Qoraagu
halkan waxa uu ku sharraxayaa inuu qofku qaladkiisa waxka barto, oo uuna
isdhigan. Dadka hal’abuurayasha ganacsi waa ‘ Khatar u badheedhayaal’ halka
kuwa kale ee shaqaalaha ahi ay yihiin kuwo qaladka ka baqa, kahatarna aan u
badheedhin. Qoraagy, waxa kale oo uu xusayaa in waqtigii uu yaraa markii uu
ganacsiga bilaabay inuu markii koowaad ku fashilmay oo khasaare galay, halka
markii labaad uu guuleystay. Waxa uu leeyahay abbahaygii hodankii wuxuu I baray
inay 4 dareen jiraan. Oo nasiibkuna ku xidhanyahay hadba sidaad kuwaa u
maamusho. Afarta dareen waa:
B) Cadhada.
T) Farxada.
J) Murugada.
X) Cabsida.
3- Garo farqiga u
dhexeeya shaqada aad cidkale u haysid, iyo aad adigu iska leedahay: Qoraagu,
waxa uu halkan ku sharraxayaa inuu qofku aad u kala garanayo shaqada uu lacagta
ku qaato, ee shaqaale ka yahay, iyo ta uu isagu iskii iskaga leeyahay.
4-Guuldarrada
guulbaa ka danbaysa: Halkan qoraaga aabbihiisii hodanka ahaa waxa uu ku baray
afar dugsi oo ganacsiga lagu bartaa inay jiraan. Qoraaguna sidaas ayuu u soo
guurinayaa. Waxa ay kalayihiin:
-
Dugsiyada
dhaqan ahaan ee ganacsiga lagu barto; sida Jaamacadaha Degreega laga qaato.
-
Dugsiyada
Ganacsiga ee qoyska: Kuwani waa kuwa xaafadda ee aabbuhu ilmihiisa baro
ganacsiga.
-
Dugsiyada
Tababbarka ee Shirkadaha: Waa shirkadaha waaweyn ee shaqaalahooga tababbara, ee
aqoonta u kordhiya.
-
Dugsiyada
Ganacsiga ee Dariiqyada: Waa halka uu qofku ganacsiga iyo hal’abuurka ganacsi
ka barto marka uu saddexdaa hore waxba ka baran waayo, ama uu waayaba.
5-Habka/qorshaha
ayaa ka muhiimsan hadalka ama yoolka: Qoraagu, waxa uu qabaa in yoolku yahay
muhiim, se ay ka sii muhiimsantahay in qofku uu hab uu u maro yoolka lahaado.
Waayo, haddii aad dadka wayddiisid “ Kuma ayaa doonaya inuu Milyaneer noqdo?”
Qofkastaa gacanta ayuu taagayaa, oo ‘ aniga’ ayuu odhanayaa. Waa u yool inay
Milyaneer noqdaan, se waxa ay rabaan habkii iyo hannaankii ay ku gaadhi
lahaayeen yoolkaas. Waxaanna jira habab uu qofku wuxuu doonayo uu ku gaadhi
karo. Qorshahan uu qoraagu sheegayaa waa ka uu qofku la yeelanayo maamulka
lacagta, waqtiga iyo hantida.
6- Jawaabta ugu
wanaagsan waxaa laga helaa wadnahaaga/qalbigaaga, se lagama helo maskaxdaada:
Qofku marka uu isagu fekero ee wax rogrogo ayay wax u soo baxaan, oo
meelgaadhaa. Qoraagu halkan waxa uu tusaale u soo qaadanayaa saddex xaaladood
oo kaladuwan oo uu isagu soo maray. Saddexda xaaladood waxa ay kalayihiin:
B) 1974 to 1984—Waa
sannadihii uu waxbaranayay qoraagu (Learning Years).
T) 1984 to 1994—Waa sannadihii uu macaashayay (Earning).
J) 1994 to 2004—Waa sannadihii wuxuu galay ee isku qarashgareeyay uu dib u soo
celinayay (The Giving Back Years).
Ka hor intaanad
shaqada iska casilin ogoow xaaladda aad ku sugantahay.
7) Missionkaagu
intuu le’egyahay ( baaxadda) ayaa
go’aamiya waxsoosaarkaaga: Waxa aad rabtid ee kaa go’an inta uu leegyahay ayuu
waxsoosaarkaaguna leekaanaya ayuu qoraagu qabaa. Waxa uu ku leeyahay marka hore
sii ogoow waxa aad noqonaysid, noocay doonaanba ha ahaadaane.
8- Waxa aad qorsheysaa (Design) ganacsi uu
ku qabto wax aan ganacsiyada kale kuu qaban: Ganacsiga aad doonaysid ha kuu
ahaado mid aad ka heshid, wax aanad kuwa kale ka helayn. Qorshe u samayso oo ku
dadaal.
9- Waqtiga gorgortanka Iibka xanafta iyo dagaalka iska ilaali:
Waqtiga aad wax iibinaysid isdeji, oo macmiilka iyo qofka wax kaa iibsanaya si
wanaagsan ula hadal.
10-Ogoow oo garo waqtiga aad iscasilaysid, ee shaqada ka tagaysid:
Ha kuu sii caddaado waqtiga aad istiqaalada shaqada dhiibaysid, oo yuuna
madmadaw kaaga jirin.
Gebagebo
Buuggu, waxa uu ka
warramayaa waxyaabaha aynu soo taxnay. Si kooban ayaynu u dulmarnay waxa uu
daaranayahay. Intaas ayaan ku soo koobayaa.
Qaybta 2aad: https://www.youtube.com/watch?v=6lMa4JGi7hs
W/Q: Cabdirasaaq
Sandheere
12-13 April, 2020
Comments
Post a Comment