Sheekhan ayaa Magacayga Kitaabka iiga Eegay

-

 


Waxa aan caado ahaan u soo gaadhay in marka Ilmo dhasho, ilmaha dhashay waalidkii Sheekh u tagaan si uu ugu magacbixiyo. Anigu markii aan dhashay, waxa maqnaa Awawgay Sh. Maxamed Cumar C. Tukaale ( Ina Cumar Daranyo) oo ahaa Sheekhul Balad iyo oday wayn oo la qaddariyo. Inta uu isagu joogo la’aantii Wadaad kale looma baahan jirin. Haddaba markii aan dhashay Awoowo AHUN wuu maqnaa oo halka aan ku dhashay oo ahayd halkii isaga iyo inankiisa ( oo aabbahay) ahiba ay degganaayeen wuu ka maqnaa. Waxa meesha taalla in la ii magacbixiyo oo sida ay dadka DEEGAANKU aaminsanyihiin ilmaha dhashay loo kitaab dayo oo magac loo bixiyo, Sheekh la’aantiina magac looma bixin jirin ilmaha oo waxa la aaminsanaa in Wadaadka magaca bixinayaa kitaabka ka eego Kitaabka. Waa arrin berigii aan dhashay caado ka ahayd Miyiga ballaadhan ee aan ku dhashay eek u barbaaray ee Madarka loo yaqaanno ( Inta u dhexaysa Wajaale iyo Harta Sheekha).
Maadaama ilmo dhashay, Sheekhii meesha oo ah Sh. Maxamed maqanyahay waxa ay noqotay in la raadiyo Sheekh kale, waxa isla meesha nala degganaa Wadaad Wayn oo Awoowo marka uu joogo isagu isgaabiya, se haddii uu maqanyahay Sh. Maxamed isagu meesha ka Wadaad ah. Waxa la yidhaahdaa Sh. Aw Cabdi Xuseen Faarax. Sh. Cabdi ayaa la iigu yeedhay, waxaa lagu yidhi: “ Rashiid waxa u dhashay ilmihiisii curad, ilmaha awawgiina wuu maqanyahayee Sh. Cabdiyoow kaalay ilmaha magac kitaabka uga eeg.” Sh. Cabdi xaafaddii ayuu yimid, meel ayaa loo diyaariyay, xoolana waa loo qalay. Wuxuu ii bixiyay magaca ah ‘ CABDIRISAAQ.’ Sida ay Hooyaday marar badan oo aan waraystay ii sheegtay waxa ay tidhi berigaad dhalatay awawgaa wuu yara maqnaa, Magacaaga Cabdirisaaqna waxa kuu bixiyay Sh. Cabdi Xuseen.
Sh. Cabdi waa Wadaad wayn oo diinta bartay, imikana wuu noolyahay, Alle cimriga ha u dheereeyee. Sh. Cabdi waxa ay ilma’adeer rumaad ahaayeen Ninkii la odhan Jiray Mahdi Cali Faarax ( Mahdi Cali Bidhiidh) AHUN oo ahaa saraakiishii ugu sarraysay SNM, gaar ahaanna jiidda Geedballaadh. Sh. Cabdi waxa ay saaxiib dhaw ahaayeen Awawgay Sh. Maxamed Cumar. Laba wadaad oo deegaannadaa ballaadhan Diinta bara Wadaaddana u ah ayay ahaayeen. Markii Awawgay Sh. Maxamed C. Tukaale geeriyooday oo ahayd Febraayo 2021 na Sh. Cabdi ayaa booskiisii bulshada qayb ahaan u daboolay.
Awawgay Sh. Maxamed iyo Sh. Cabdi waxa ay wada fadhiisan jireen Maqaan gaar ah oo ku yaalla Gobyarta Aw Nuurka. Halkaas ayay Quraanka ku wada akhrisan jireen, taxliisha ku wada dhigi jireen, fooxa iyo shaahana ku tuuran jireen.
Inkasta oo aanan garanayn waqtigii saxdii ee aan dhashay, maadaama Miyi aan ku dhashay, haddana waan ku farxaa inaan sawrac ( Identity) iyo meel aan ku arooro oo taariikh cad oo qoran leeyahay, uuna I dhalay Sh. Maxamed AHUN, awawna uu ii yahay Cumar- Daranyo AHUN, ahayna tafiirtii Tukaale.
Sh. Cabdi waan u ducaynayaa in Alle u barakeeyo Cimriga, Awawgay Sh. Maxamed Cumar oo waqti dhaw naga geeriyoodayna Waan u ducaynayaa in Alle naxariis janno siiyo.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more