Si Kooban Siirada/Taariikhda Nebi Muxammed SCW

-



Nebi Muxammed SCW wuxuu dhashay Bisha Rabiicul Awal, sannadkii 570kii. Wuxuu ku dhashay Maka. Aabbihii Cabdillaahi wuxuu dhintay isaga oo uurka hooyadii ku jira. Agoonnimo ayuu la kulmay yaraantiisii. Waxa naaska nuujiyay Xaliima-Sacdiya iyo Ummu Ayman. Miyi ayaa la geeyay, adhijire ayuu muddo ahaa. Hooyadii waxa ay dhimatay isaga oo 6 sano jir ah. Waxa kafaalaqaaday Awawgii Cabdimuddalib. Awawgiina waxa uu dhintay Nebiga 8 jir ah. Adeerkii Abuu Daalib ayaa Kafaalaqaaday, isaga ayuuna intii danbe ee noloshiisa la noolaa.

Waxyar ka dib ganacsi ayuu bilaabay. Reer ayuu adhi u eegi jiray. Haddana gabadh ganacsi lahayd ayuu awrta u kaxayn jiray, oo u kala maamuli jiray. Muddo ayuu shaqadaas hayay. Gabadha uu shaqayn jiray waxa ay ahayd Khadiija. Ammaanadiisa ayay jeclaatay, ugu danbayna waxa ay u soo bandhigtay inay isguursadaan. Wayna isguursadeen Nebi Muxammed iyo Khadiija. Nebigu wuxuu ahaa 25 sano jir; Khadiijana 40 jir guur hore soo martay.Noloshii qoysnimo ayuu galay.

Wuxuu ahaa qof sharfan oo aad looga tixgeliyo dadka dhexdooda, khilaafyada iyo isqabsiga yimaadna wuu xallin jiray. Tusaale ahaan, markii qabiilladii Qureysheed isku qabsadeen ciddii dhagaxa Kacbada dhigi lahayd, markii uu isagu noqday qofka go'aaminaya cidda dhagaxa dhigaysa way ku wada qanceen dhammaan qabiilooyinkii, waxayna yidhaahdeen " Raallo iyo badh baan ka nahay Maxammed Ammiin." Da'diisu 35 sano ayay ahayd.
Wuxuu ahaa qof dhawrsan, oo aan ku milmin dhaqanka meesha uu joogo ka jiray. Wuxuu bilaabay inuu magaalada buuqeeda & sanamyadan lagu caabudayo iskaga dheeraado oo gaar uga baxo. Wuxuu galay buuraha. Wuxuu geli jiray god la odhan jiray " Qaarun Xiraa." Halkaas ayuu sannado badan iskaga cibaadaysan jiray Diintii Awawgii Nebi Ibraahin SCW.

Muddo isaga oo godkiisii iskaga cibaadaysta ayuu Malaku Jibriil u yimid. Da'diisu waxa ay ahayd 40 sano jir. Alle ayaa Malaku Jibriil u soo diray. Malaku Jibriil wuxuu ku soo dejiyay Diinta Islaamka.

Sidaas ayuu Nebigu ku noqday mid adduunyada Diintaas Islaamka ee lagu soo dejiyay wax kaga baddela. Dadaal badan, socdaal dheer, qax, samir, wacdi, waano & dagaallo badan ayuu u galay sidii uu dadka Caalamka oo dhan Diinta u gaadhsiin lahaa. Wixii uu dadaal, deeq, maskax, muruq iy maal hayayba Diinta Islaamka ayuu geliyay.

Diinta darteed ayaa Maka looga saaray, loo caayay, lagaga dhiijiyay, loo qoomay, loo dhaawacay, loo tuuray, madheer dhabarka laga saaray oo waxkasta loogu sameeyay. Wuu u adkaystay. Ugu danbayna Caalamka oo dhan ayay gaadhay.

Nebigaasi hadda qofkasta oo Islaam ah ayuu hore ugu duceeyay, dartii ugu ilmeeyay, habeenno badan u ooyayay, Alle uga baryayay wanaag. Hadda waa adiga.

Maynaan arag, innagu. Se waynu rumeynay oo Diintiisii ayaa innoo soo gaadhay. Wuxuu mudanyahay in aynu waynayno, sharafno, ku dayanno, ixtiraamno, Sunnadiisa ilaalinno, difaacno, jeclaanno, oo u jeclaanno si ka badan sida aynu waalidkeen u jecelnahay.

Naxariis iyo nabadgelyo korkiisa ha ahaato. Allah ha innaga dhigo intii rumeysyay, raacday dariiqiisii. Aamiin

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more