Faallada Buugga “ Outliers ~ Jaadgooni”
Buuggan la yidhaahdo “Outliers” waxa qoray Malcolm Gladwell.
Malcolm, waa qoraa, dhaqanyaqaan iyo Wariye caan ah. Wuxuu ku dhashay dalka
Ingiriiska sannadkii 1963kii. Sannadkii 1984kii wuxuu ka qalinjebiyay oo
shahaadada Digriiga Kulliyadda taariikhda ka qaatay jaamacadda Toronto. Malcolm,
intii u dhexaysay sannadihii 1987kii illaa 1996kii wuxuu ahaa qoraa wax ku qora
Washington Post, wuxuuna wax ka qori jiray ganacsiga iyo Sayniska. Wuxuu
haddana muddo ka shaqayn jiray The New York Magazine. Sannadkii 2005kii qoraa
Malcolm waxa majalladda One of Time Magazine ku dartay 100 qof ee adduunka ugu
saamayn badan.
Cinwaanka Buugga Outliers waxa aynu ku macnayn karnaa “ Dad
jaadgooni ah” Waan shakhsiyaad taariikh gaar ah iyo sooyaal cuddoon oo wacan
leh.
Buugga waxa uu kaga warramayaa Sheekooyin la xidhiidha guusha.
Dad kala duduwan ayuu soo qaadanayaa. Waxa aan isku dayi doonaa inaan soo kobo
cashirrada laga baran karo.
Waa maxay cashirrada buugga laga baran karaa?
1-
In la Dadaalo: Si aad guulayste u noqotid, waxa
jira waxyaabo adiga kaa baxsan oo saamayn kugu leh, waxyaabahaas ha isku
mashquulin, kaliya awoodda saar wixii aad awoddid ee maarayn kartid oo ah
dadaalka iyo
2-
Guulaha aad gaadhaysid waa hibo lagu daray
waxqabad:Awoodda dabiiciga ahi waxa ay ku siin kartaa bilow fiican iyo inaad
hore u socotid, balse kuuma dammaanad qaadi karto guul.
3-
Xeerka 10,000 saacadood: Waxa ay ku qaadanaysaa 10,000
saacadood si aad uga mid noqotid dadka
muhiimka ah ee la tixgeliyo. Khabiirradu intooda badan tan waxa ay ku
guulaystaan in ka badan toban sannadood.
4-
Waxa aad rabtid ama hammigaaga la saaxiib/guurso:
Qabo shaqo aad ku qanacsantahay oo 8 saacadood ah.
5-
Yeelo Maanhag ama si-u-arag ( Attitude) Guul raba:
IQ ga iyo hibada dabiiciga ahi waa muhiim, balse waa inay ahaadaan kuwo
jihaysan.
6-
Taageerada: taageerada wanaagsan waxa ay soo
saartaa dad xul ah ( Legends). Halka aad maanta joogto maad soo gaadhin waalid,
walaal, saaxiib ama qof kale oo ku gacanqabtay haddii uuna jirin. Dhammaantood waxa ay soo saaraan geesiyaal.
7-
Dunidu maaha caddaalad: Dadku inta badan waxa ay
la dhashaan hibo dabiici ah, duruufo wanaagsan, iyo meelo deggan oo ay fursad
ku helaan. Qofkasta caddaalad darradu dhinac bay ka haysataa. Shayna ha u
oggolaan inuu dib kuu hayo marka laga yimaaddo yoolashaada.
8-
Aroortii kac 4 aroornimo: Qofkasta oo xilligaas
inta badan kacaa waa guulayste. Kooxda xilligaas kacda ku biir.
9-
Marka aad shaqaynaysid 3 shay ogoow:
B) Inaad shaqada jeceshahay.
T) Inay caqabadi timaad.
J) Iyo inuu jiro xidhiidh ka dhexeeya
dadaalkaaga iyo abaalmarintaada.
Waxa aan isha Mariyay Review ga uu sameeyay,
waxna ka soo xigtay qoraa Muxsin Ixsaan, oo ah qoraa Baakistaani ah.
W/Q: Cabdirisaaq Sandheere
27 Ogosto, 2022.
Comments
Post a Comment