Sookoobidda Buugga “ What The Most Successful People Do Before Break Fast ~ Maxay Dadka Guuleystayaashu Qabtaan Qureecda Ka Hor.”
Hordhac
Buuggan la yidhaa “ What The Most Successful People Do
Before Break Fast ~ Maxay Dadka Guuleystayaashu Qabtaan Qureecda Ka Hor.” Waxa
qortay Marwo Laura Vanderkam. Laura, waa qoraa wax qorta. Inta badan waxa ay
wax ka qortaa maamulka waqtiga iyo mawduucyada la xidhiidha.
Buugaag kale ayay qortay. Waxa ka mid ah buugga la yidhaa “Off the Clock.” Iyo ka kale ee la yidhaa
“I Know How She Does It.”
Buuggani waxa uu ka
koobanyahay 173 bog. 3 qaybood ayay u qaybinaysaa. Qeybta koowaad, waxa ay kaga
warramaysaa “ Dadka guulesytayaashu maxay qabtaan qureecda ka hor?” Qaybta ku xigtana ‘ Maxay guuleystayaashu
qabtaan laba maalmaha toddobaadku dhammaanayo ee fasaxa ( Weekend). Qeybta
saddexaad ee u danbaysa waxa ay kaga warramaysaa “ Maxay dadka guuleystayaashu
qabtaan markay shaqada joogaan?”
Si guud ayaynu nuxurka
saddexdaas qaybood u dulmari.
Nuxurka
Qeybta koowaad, waxa ay kaga warramaysaa “ Dadka guulesytayaashu maxay qabtaan
qureecda ka hor?” Marka ay dhiraandhirin
badan, iyo tijaabooyin badan oo la sameeyay sheegto waxa ay sheegaysaa in
guuleystaashu aroortii sameeyaan waxyaabahan:
1-
Waxa ay kobciyaan
xirfaddooda: Macne ahaan, waxa ay dejiyaan istaraatijiyado, oo waxa ay
diirradda saaraan shaqadooda.
2-
Waxa ay kobciyaan
xidhiidhkooda: Waxa ay si wanaagsan u sii xoojiyaan xidhiidhka eheladooda iyo
asxaabtooda.
3-
Waxa ay sii horumariyaan
nadtooda: Waxa ay sameeyaan JIMICSI, waxa ay xoojiyaan ruuxdooda, sidoo kale
waxyaabo naf ahaan u wanaagsan ayay sameeyaan.
Qofku markuu soo tooso sida uu u maamulo waqtigiisa ayay
maalinta oo dhanna noqotaa. Qoraayaddu waxa ay xusaysaa sida qofku aroortiisa u
hagaajisan lahaa. Dhawrkan qodob ayay kugula talinaysaa:
1-
Waqtigaaga habee.
2-
Aroortaada wanaagsan eed
rabto sawiro.
3-
Caado samayso.
4-
Qabo waxyaabaha kuu
muhiimka ah.
Qeybta 2aad, qoraayaddu waxa ay kaga warramaysaa ‘ Maxay guuleystayaashu qabtaan laba
maalmaha toddobaadku dhammaanayo ee fasaxa ( Weekend)?” Waxa ugu weyn ee ay
qaybtan ku sheegayso inay guuleystaaashu qabtaan toddobaadka waa inay QORSHE
leeyihiin. Waxa ay xusaysaa in intayna gaadhin labada maalmood ee fasaxa ee
toddobaadka ku jira inay qorshe samaystaan guuleystayaashu. Inta labadaas
maalmood lagu jirana qorshahaas fuliyaan.
Waxyaabaha ay qabtaanna waxa
ka mid ah:
1-
Caado ay samaysteen ayay qabtaan labadaas maalmood.
2-
Madaddaalo.
3-
Socod, ama orod.
Qeybta 3aad, waxa ay
qoraayaddu kaga warramaysaa “ Maxay dadka guuleystayaashu qabtaan markay
shaqada joogaan?” Qoraayaddu waxa ay xusaysaa inay yihiin dad waxsoosaar leh oo
shaqadooda siday tahay u qabsada. Waxa ay ku foogganyihiin waxa ka mid ah:
1-
Saacadahooga ayaa u xisaabsan, oo ay maskaxda ku hayaan.
2-
Qorshe ayay leeyihiin.
3-
Guushooda ayay rumeeyaan.
4-
Waxa ay garanayaan shaqadu tahay. ‘
5-
Waxa ay sameeyaan way ku celceliyaan.
Gebagebo
Saddexdaas qaybood ayuu
buuggu ku dhanyahay. Waynu sheegnay qaybkasta intii ugu muhiimsanayd. Intaas
ayaan ku soo koobayaa. Nabadeey.
W/Q: Cabdirasaaq Sandheere
25 Abril, 2020.
2 Rabadaan, 1441.
Comments
Post a Comment