Maxammed Cali Saabuuni ( 1930-2021)

-



Waxa dhawaan geeriyooday Mufasirkii waynaa ee Maxammed Cali Saabuuni AHUN. Maxammad Cali Saabuuni, waxa uu dhashay sannadkii 1930kii, wuxuuna ku dhashay dalka Suuriya. Waqtigii uu yaraa waxa uu ku kacaamay aqoon iyo waxbarasho, oo wuxuu wax ka baran jiray Sh. Jamiil Saabuuni oo ka mid ahaa culimada waawayn ee waqtigaas Xalab ku noolayd. Isaga oo yar ayuu Quraanka Kariimka ah xifdiyay.

Wuxuu aad u bartay Luuqadda Carabiga, dhaxalka, Axaadiista, tafsiirka IWM. Culimada uu ardeyda u noqday ee uu wax ka bartay waxa ka mid ah Sheekh Maxammad Najiib Siraaj, Axmed Shumaac, iyo Maxammad Siciid. Dugsigii sare waxa uu dhigan jiray meel ganacsiga lagu barto. Jaamacadda wuxu bartay Shareecada, wuxuuna dhammeeyay sannadkii 1952kii. Shahaado Caalamiga ayuu qaatay sannadkii 1954kii.

Meelo kala duduwan ayuu ka soo shaqeeyay. Waxa ugu badan ee uu ka shaqaynayay waxa ay ahaayeen inuu waxbaranayay ama uu dadka waxbarayay. Wuxuu in badan wax ka dhigayay Masaajidka sharafta leh ee Xaramka Maka. Wuxuu muddo dhigayay Tafsiirka Quraanka, Axaadiist IWM.

Kutub badan ayuu qoray. Kutubta uu qoray waxa ka mid ah:

1-      Safwatu Tafaasiir, oo ah Kitaab uu tafsiirka kaga warramayo, waana kitaabka kutubtiisa ugu caansan.

2-      Kunuusu Sunna.

3-      Macaanii Al Qur’aan.

Kutubka uu qoray waxa ay u badanyihiin Tafsiirka, Axaadiista IWM. Dhaxal aad u badan ayuu ummadda Islaamka u reebay.

Sh. Maxammed, maanta ayuu ku geeriyooday Turkiga. Alle ha u naxariisto.

 

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more