Sookoobidda buugga “ Awoodda Bini’aadanka ~ الطاقة البشرية والطريق إلى القمة.”
Hordhac
Buuggan la yidhaa “Awoodda
Bini’aadanka.” Waxan qoray Dr Ibraahin Al Fiqi. Ibraahin, waxa uu ahaa
tababbare, iyo aqoonyahan wayn oo ku takhasusay aqoonta horumarinta Bini’aadanka. Waxa uu u dhashay dalka Masar. Waqtigii hore
waxa uu ka soo shaqeeyay Hudheello Kanada ku yaalla, oo markii danbe uu maamul
ka noqday.
Waxa uu qaatay 23 Diblooma ah,
iyo 3 shahaadooyin sare ah oo ku saabsan horumarinta bini’aadanka. Shahaadada sare ee Ph.D waxa uu ka qaatay
Jaamacadda Loosanjalis ee dalka Maraykanka. Wuxuunna ku diyaariyay Metaphysics.
Waxa uu aasaasay xarumo badan oo qaarkood lagu barto culuunta Horumarinta
Bini’aadanka. Qaarna ka shaqeeyaan horumarinta bini’aadanka.
Waxa uu ahaa qoraa qalinkiisa
aad loo jecelyahay. Buugaag badan ayuu qoray. Buugta uu qoray waxa ka mid ah
buugga la yidhaa “ Maaree Noloshaada.” Iyo “ 10ka Fure ee Guusha.” Buugtiisa
waxaa lagu turjumay Shan Luuqadooda, oo kala ah: Faransiis, Carabi, Kurdi,
Ingiriisi, iyo Induunisi.
Sidoo kale, waxa uu ahaa
khudbadjeediye wayn. Kulamadiisa waxaa soo xaadiri jiray kumannaan qof oo meelo
kaladuwan uga iman jiray. Waxa uu ku hadli jiray saddex luuqadood: Carabi,
Faransiis, iyo Ingiriisi. Waxa uu geeriyooday sannadkii 2012kii.
Buuggan waxa uu kaga
warramayaa, awoodda uu qofku u leeyahay, iyo inay u fuddahay inuu guul gaadho.
Nuxurka
Buugga
Dadka oo dhani waxa ay haystaan:
1-
Waqti isku mida
2-
Tamar.
3-
Shan dareeme.
4-
Feker.
Qeybaha awoodaha
1-
Awood dhaqdhaqaaqeed (
Xarako): Dhaqdhaqaaqu waa ka kala saara maydka iyo noolaha. Waanna waxa uu
nooluhu kaga duwanyahay sida dhagaxaanta, buuraha IWM.
2-
Awood jidheed: Waa
awoodda uu jidhku leeyahay ee uu ka helo cuntada, cabbidda, hurdada, neefsiga
IWM.
3-
Awood fekereed: Fekerku
waa awoodda ugu weyn ee dadku kaga duwanyihiin noolaha kale. Sidoo kale, waa ta
ugu mudan qofka xubnihiisa, waanna ta go’aamisa qofka horusocodkiisa.
Awoodda saddexaad maadaama aynnu nidhi waata ugu muhiimsan
ee bini’aadanka, qoraagu iyada ayuu gaar uga sii hadlayaa. Wuxuuna qoraagu
sheegayaa, waxyaabaha aasaaska u ah AWOODDA FEKERKA. Waxaanna ka mid ah:
B)
Qofku inuu fekeri karo,
meel diirrada saari karo.
T)
Inuu qofku wax taxliilin
karo ( Falanqayn karo).
J)
Inuu qofku wax
isbarbardhigi karo.
X)
Inuu qofku go’aan gaadhi
karo.
5) Awood dareen ( caaddifadda).
6) Awood Ruuxeed: Qoraagu waxa uu leeyahay, awooddani waata
keenta mabaadi’da. Haddii ayna awooddani jirteen lama heleen mabaadi’.
Qofku markuu yaryahay saddex marxaladood ayuu maraa. Waxa ay
kalayihiin:
1-
Marlaxadda uu
waxbaranayo oo ah ta la barbaarinayo ee dhaqanka iyo deegaanka la
qabsanayo. Se ma qiimayn karo mabaadi’da
IWM. Waanna intuu qofku gaadhayo 7 sano. Xilligan waxa uu ogaanayaa cidda
jecel, cidda uu jecelyahay sida aabbihii, Hooyadii IWM.
2-
Ta uu isbaranayo ee is
helayo.
3-
Marxaladda uu kibrayo:
Markan wuu waynaanayaa, oo waxkasta isagaa isku tiirinaya.
Maxaa looga baahanyahay qofka Waddada Guusha u
socda?
Qoraagu qodabbo badan ayuu qabaa inay yihiin waddadii guusha
loo marayay. Qodobbada waxa ka mid ah:
1-
Tagtadii Ogoow: Marka
koowaad, qoraagu waxa uu ku leeyahay “ Tagtadu waxa ay saamaysaa Mustaqbalka.”
Waxa uu qabaa in qofkii doonayan inuu baddelo mustaqbiisa waa inuu eegaa
tagtadii soo martay, waanna inuu wax ka bartaa, oo tan joogta uu uga
faa’ideystaa. Qoraagu waxa uu ku doodayaa, haddii la dhayalsado tagtadii, oo
waxba laga soo qaadi waayo in aan mustaqbalku sida la doonayo noqonayn. Haddii
uu qofku guuldarraystay oo guuldarradaa waxba ka baran maayo sidaas ayay ugu
soo laalaaban mustaqbalka.
2-
Inuu Alle isku xidho
qofku.
W/Q: Cabdirasaaq Sandheere
6 Abril, 2020.
Comments
Post a Comment