Sh. Khaliil Al Xusari: Qaarigii Codka Macaanaa

-

 


Sh. Maxammuud Khaliil Al Xusari, waxa uu ahaa Qaari wayn oo Quraanka Alle ku luuqeeya. Cod ashqaraar leh, deggan, macaan, oo dhegaha u roon ayuu Quraanka ku akhriyaa. Sh. Khaliil, waxa uu dhashay sannadkii 1917kii; sannadkii 1980kii ayuu isaga oo safar ah ku dhintay Dalka Kuwayd. Geeridiisii waxaa laga joogaa 40 sannadood. Afartankaas sannadood ee uu sii mootanaa codkiisii ayaa Muslimiinta la joogay, oo la dhegaystaa. Caalamka Islaamku Sheekha codkiisa aad ayay u yaqaannaan, una dhegaystaan. Asal ahaan wax uu u dhashay dalka Masar. Ka Soomaali ahaanna, kaalin wayn ayuu ugu jiraa, oo codkiisa meelkasta ka daaran.

Sheekhu, waxaa la sheegaa inuu Quraanka afar jir ku bilaabay, oo ku barbaaray. Wuxuuna Quraanka ku xifdiyay Da’ ahaan markii uu ahaa 11 sano jir. Wuxuu wax ka bartay Masaajid ku yaalla magaalada Dandaa ee dalka Masar. Markii danbe waxa uu ku biiray Jaamacadda Al Azhar, oo uu ka galay kulliyadda Quraanka, wuxuuna bartay 10ka qaab ee Quraanka loo akhriyo ( Qiraa’o).

Markii koowaad ee Quraanka duubo waxa ay ahayd Febraayo 17, 1944kii, markaas ayuu si rasmi ah Idaacad codkiisa ugu duubay, oo la sii daayay. Dhawr Masaajid oo kaladuwan ayuu Imaam ka noqday. Waxaa ugu danbeeyay Masaajidka Al Xusayn, oo uu muddo 29 sano ah ka ahaa Imaan, illaa intii uu ka dhimanayayna maamulayay. Waxa kale, oo uu jaamacadda Al Azhar ka bartay Culuumta Axaadiista.

Sh. Khaliil, waxa uu ka mid ahaa afarta qof ee ugu codka macaan Masar waqtigaa, weliba qofka koowaad ayuu ahaa. Qiraa’ooyinka kaladuwan ee Quraanka wuu duubay sida Qiraa’ada Xafsa Ibnu Caasim, Warsha Can Naafic, IWM.

Ka Soomaali ahaan, Sheekhu isaga oo 40 sano sii mootan kaalin wayn ayuu dhinaca dhegaysiga Quraanka innoogu jiraa. Wuxuu ka midyahay Culimada ardeydu marka ay Quraanka baranayaan dhegayastaan, aad na uga bartaan qaabka uu Quraanka u akhriyayo. Degganaanta uu u ku akhriyo, codkiisa macaan, Tajwiidka uu sida wacan u yaqaan iyo codka saafiga ah ayaa lagu xushaa.

Alle ha u naxariisto, dhaxal wanaagsan ayuu noo reebay, codkiisana wuu noogu raaxeeyay.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more