Sookoobidda buugga “ Atomic Habits- Caadooyinka Yaryar.”

-

Hordhac

Buuggan la yidhaa “ Atomic Habits ~ cadooyinka yaryar” waxa qoray James Cleir. James, waa qoraa arrimaha caadooyinka wax ka qora. Maqaallo badan ayuu qoray.
Buuggani waxa uu ka koobanyahay 286 bog. Wuxuu ku jiraa buugta caalamka ugu iibsiga badan. Waxa laga iibsaday hal Milyan oo Xabbo/Koobbi.
Sababta uu buugga u qoray waxa uu ku sheegayaa inuu muddo badan mareegtiisa Internetka uu ku leeyahay uu wax ku qori jiray. Maalinkasta , toddobaadlkasta, iyo sannadkasta dad farabadan oo kumannaan ah ayaa ku soo biiri jiray oo akhrisan jiray qoraalladiisa. Ugu danbayn wuxuu furay ‘ Habit Academy’ oo dad badan oo ganacsato, tababbarayaal, iyo shaqaalahaba iskugu jira uu wax ku bari jiray, oo ay ka qalinjebiyeen. Markii waxaas oo waxsoosaara uu sameeyay ayuu doonay inuu dhigane ka qoro. Sidaas ayuu buuggan ““ Atomic Habits.” Sannadkii 2018kii ayuu oo saaray.
Buuggu waxa uu ka hadlayaa habka ugu wanaagsan ee caado loo dhiso. Caadadaasi waxa ay noqon kartaa mid ganacsi, ehel, shaqo, ama waxkale khusaysa. Sidoo kale, waxa uu qoraagu kaga warramayaa sida caado xun la iskaga joojiyo,ama loo baddelo.






Nuxurka
Caadooyinkan yaryari waxa ay dhisaan natiijo layaable ayuu qoraagu leeyahay. Waxa uu xusayaa in xoog loo dhiso caadooyinka yaryar. Eraygan “ Atomic” waxa uu ka keenay erayga ATOM oo ah waxa ugu yare e walaxi ka samaysantahay. Qoraagu waxa uu aad u qabaa inuu qofku CAADOOYINKA YARYAR uu dhiso, oo yoolka iyo wixii la mid ah iska illaawo.
Qoraagu marka koowaad waxa uu ku bilaabayaa habka ay noqonayaan awoodda caadooyinku. Waxa uu xusayaa in qofku haddii uu doono inuu beddelo caadada oo ay ku adkaado, in ayna isaga dhibaatadu ahayne ay tahay habka uu isticmaalay. Markasta xooggasaar caadada oo iska illow hadafka ayuu qoraagu leeyahay.
Marka caadada la baddelayo laba caqabadood ayaa ka horyimaad, labadaasi caqabadood waxa ay kalayihiin:
1-      Waxa aynu isku daynaa in aynu baddelno waxa qaldan.
2-    Waxa aynu isku daynaa in aynu caadooyinkeenna u baddelno hab qaldan.
Saddex qaab ayaa loo baddelaa habdhaqanka:
1-      In la baddelo natiijada/maxsuulka.
2-    In la baddelo habka loo marayo.
3-     In la baddelo xididkeeda ( Identity).
Sidee caado loo samaystaa?
Qoraagu waxa uu xusayaa in afartan tallaabood caadada lagu samaysto:
1-      In aad maskaxda ka dhaadhicisid oo caadadii aad doonaysay aad ku abuurtid( Cue).
2-    Inuu leeyahay dhiirrigelin gudeed oo riixaysa.
3-     Inuu sameeyo oo ficil u baddelo.
4-    Inuu ku celceliyo isaga oo ku qanacsan.
Sidee Caadada xun la iskaga joojiyaa?
1-      In aad iska dhaadhicisid oo aad joojiso, oo aad ka dhigtid mid aad muquunisid.
2-    Iska dhig mid aan danaynayn.
3-     Isku adkee.
4-    In aad mid aan ku qanacsanayn noqotid.

Gebagebo
Buuggu qodobbadaa aynu si guud u dulmarnay ayuu qaadaadhigayaa. Tusaalataan ayuu ku darayaa. Waxa ugu muhiimsan sida caadada wanaagsan loo abuuro, iyo sida caadada xun la iskaga joojiyo. Intaas ayaan ku soo koobayaa.

Muuqaal ahaan halkan ka daawo: https://www.youtube.com/watch?v=vWTrEP2-P7s&t=20s

W/Q: Cabdirasaaq Sandheere
Taxanaha #Xogkorodhsi waa buuggii 21aad
22 Abril, 2020.


Comments

Post a Comment

Popular posts from this blog

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu...
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada...
Read more

Faallada buuga " Dariiqa Habdhaqanka~The Road to Character"

-
Image
  Hordhac Buuggan la yidhaahdo waxa qoray qoraa   David Brooks . Waa buugii 4aad ee uu qoray qoraagu. Mawduuca uu buugani ka warramayo qoraagu muddo badan ayuu dhigan jiray oo Jaamacadda YALE ka diyaariyay. Buugga waxa la daabacay sannadkii 2015kii, waqtigaas uu daabacay qoraagu wuxuu yidhi: “ Buuga waxa aan u qoray si aan u noqdo daacad, iyo si aan u badbaadiyo ruuxdayda. Qoraagu wuxuu buuga kaga warramayaa labada shay ee dabeecad ahaan qofka gudihiisa iyo debaddiisa ku hirdamaya. Nuxurka Buuga Waxa aynu kaga warrami doonaa cashirro ka mid ah kuwa buuga laga baran karo 1-       Isdhuldhigu waa awood: Awoodda dhabta ahi maaha kibirka, balse waa in qofku aqoonsado oo garto xuduudaha uu leeyahay, iyo inuu hore u socday. Isdhuldhigu waa seeska habdhaqanka. 2-     Muhiimadda deegaanka wanaagsan: Deegaanka wanaagsan ee qofka niyad ahaan taageerayaa wuxuu qaabeeyaa habdhaqanka. In aan nafaheenna ku hareerayno dadka wanaags...
Read more