20kii Dardaaran ee Nebiyada

  

20ka Dardaaran ee Nebiyada

1-     Ka dhawrso xaaraanta, waxa aad noqon doontaa qofka dadka ugu cibaadada badane.

2-   Ku qanac waxa Alle ku siiyay, waxa aad noqon qofka dadka ugu qanaacada badane.

3-   Jaarkaaga wanaaji, waxa aad noqon qof muumin ahe.

4-   Dadka la jeclow waxa aad la jeceshahay naftaada, waxa aad noqon qof Muslim ahe.

5-    Iska ilaali qosolka badan,waayo qosolka badan wuxuu dilaa qalbiga.

6-   Iskaga tag wixii aad ka shakido, waxa aanad samaysaa waxa aanad ka shakisanayn.

7-    Meelkasta oo aad joogtid Alle ka cabso.

8-   Haddii xumaani kaa dhacdo wanaag ka dabagee, wanaagaasi wuu tirtiriye.

9-   Dadka habdhaqan wanaagsan kula dhaqan.

10-           Alle xifdi oo ilaali, isna wuu ku ilaaline.

11- Haddii aad cid wax wayddiisanayso Alle wayddiiso, Allana magangal.

12-           Alle garo oo xasuuso marka aad ku sugantahay barqaawada, Allana wuxuu ku xasuusan marka aad ku sugantahay dhibaatooyinka iyo culaysyada.

13-           Adduunyada ka saahid Alle wuu ku jeclaane.

14-           Waxa dadka gacantooda ku jira ama hantidooda iska daa oo waxba ha wayddiisan, way ku jeclaan doonaane.

15-            Waxa aad tidhaahdaa ‘ Alle ayaan rumeeyay, ka dibna ku toosnow dariiqa oo ku soco jidka.’

16-           Qofkii xumaan arkaa waa inuu wax ka qabtaa.

17-            Adduunyada waxa aad ku noqotaa sidii qof martiya ama qof safara.

18-           Carrabkaagu ha ku qoyanaado xuska Alle.

19-           Iska ilaali Ducada qofka la dulmiyay.

20-         Ha cadhoon.

Turjumaad: Cabdirisaaq Sandheere 

Jannaayo 14, 2026.