Sookoobidda buugga “ 13 Things Mentally Strong People Don’t Do ~ 13ka Shay ee dadka maskax ahaan xoogga badani aynna qaban.”
Hordhac
Buuggan la yidhaa “ 13 Things Mentally Strong People Don’t Do
~ 13ka Shay ee dadka maskax ahaan xoogga badani aynna qaban.” Waxa qortay Marwo
Amy Morin. Waa qoraa maqaallo iyo buug ba qortay. Sidoo kale waa macallimad
Jaamacadda Northeastern University dhigta.
Qoraayadda iyada 00 23 jir ah ayay
hooyadeed dhimatay, murugo badan iyo walbahaar badan ayaa saaqay. 3 sano ka dib
dhimashadii hooyadeed, waxaa dhintay ninkeedii! Murugadii hore midkale ayaa ugu
biirtay. Iyada oo sidii ah ayay qortay qoraal. Baloog ay lahayd ayay ku qortay
cinwaanka buuggan. Qormooyinkii ayay dad badan oo illaa 30 Milyan gaadhayaa
akhristeen. Qormooyinkii waxa ay ku kallifeen inay buug ka dhigto, maadaama
dadkii jeclaadeen. Sidaas ayuu fekerka buuggu ku dhashay. Buuggii oo
dhammaystiranna way qortay. Buugga aad baa loo jeclaaday, waxaanna lagu
turjumay 25 luuqadood. Sannadkii 2013kii oo TEDx Talk ay ka qaybgashay buuggii
ugu wanaagsanaa ayuu ahaa. Wuxuu ka midyahay buugaagta caalamka loogu iibsiga
badanyahay ( Best Selling Books).
Buuggu waxa uu ka koobanyahay 318 bog.
Cutub ahaanna waa 13 Cutub oo kaliya. Hordhac wanaagsan oo qodobbada uu ka
warramayo buuggu aaraar u ah ayay ka horreysiinaysaa. Waxa ay ku sii
xigsiinaysaa 13 qodob oo dadka maskaxdoodu awoodda leedahay aynna samayn. Si
kooban ayaynnu u dulmari. Innaga oo sida ay buugga u kala horreeyaan u soo
qaadan doonna: Hordhaca, haddana 13ka qodob.
Nuxurka
Waxa ay iswayddiinaysaa waa maxay ‘ mental Strenth ~ Awood
maskaxeed’ waxa ay ku qeexaysaa ‘ Waa awoodda uu qofku ku maammuli karo dareennadiisa,
waxa uu dareemayo, iyo cabbiraaddiisa maskaxeed.’ Dadku way kaladuwanyihiin.
Qaar waxa ay leeyihiin maskax daciif ah, qaar kalana maskax awood leh.
Waxa jira qodobbo saameeya awoodda maskaxda. Waxa ka mid ah:
1-
Hiddaha.
2-
Shakhsiyadda qofka.
3-
Waaya’aragnimada ama
khibradda.
Waxyaabaha aasaaska u ah maskaxda awoodda leh ayay
qoraayaddu xusaysaa.Waxa ka mid ah:
1-
Dareennada:Dareenkaada
wanaaji.
2-
Habdhaqanka qofka.
3-
Habfekerka qofka.
Faa’idada maskaxda awoodda leh ayay xusaysaa. Waxa ka mid
ah:
1-
Qofk wuxuu awood u
yeelanayaa inuu u adkeysto qulubka/welwelba.
2-
Qanaacadii qofku uu
nolosha ku qabay ayaa kobcaysa.
3-
Horumarkii qofkaa
koraya.
13 Qodob ee aynna dadka maskaxda xoogga badani samaynin:
1-
Wax tagay ka
xumaanshihiisa waqti iskaga ma lumiyaan.
2-
Awooddooda ayay ka
faa’ideystaan.
3-
Isbeddelka kama
xishoodaan.
4-
Shey’yada ama waxyaabaha
aynna maammuli karayn ( Cantrol) xoogga ma saaraan.
5-
Farxadgelinta qofkasta
kama werweraan.
6-
Khatar inay u
badheedhaan kama cabsadaan.
7-
Kama fekeraan tagtadii.
8-
Qalad isku mid ah marar
badan/ dhawr mar ma sameeyaan.
9-
Dadka kale guushooda
kama xumaadaan.
10- Guuldarrada
koowaad ka dib ismadhiibaan.
11- Waqtiga
ay kalida yihiin ma baqaan.
12- Ma
dareemaan inay adduunyadu dayn ku leedahay.
13- Natiijo degdeg ah ma fishaan.
Gebagebo
Hordhacaa hore, iyo 13kaa qodob ee aynnu taxnayn ayaan ku
soo afmeerayaa. Si guud baan u dulmaray. Wixii iiga baxay ayaan idin la
wadaagay. Waa buug runtii aad iisoo jiitay. Haddii aad heshid inaad akhridaan
kugu la talin lahaa.
Mahadsanidiin.
W/Q: Cabdirasaaq Sandheere
Maarij 17, 2020.
Comments
Post a Comment