William Shakespear

-




William Shakespeare, wuxuu ahaa abwaan, ciyaaryahan iyo jilaa noolaa qarnigii 16th. Wuxuu u dhashey dalka Ingiriiska. Wuxuu dhashay  April 26, 1564kii; wuxuuna ku dhashay Stratford-upon-Avon, England.

Da’diisu markay ahayd 18sano jir ayuu guursaday Marwo Anne Hathaway. Waxayna u dhashay saddex carruur ah; Susanna, iyo laba mataanood oo kala ah Hamnet iyo Judith.

Intii u dhexaysay 1585kii iyo 1592kii, wuxuu isaga oo London deggan ahaa jilaa iyo qoraa; wuxuuna qayb ka lahaa oo nin kale la lahaa shirkad ciyaareed la yidhaa ‘Lord Chamberlain's Men’─oo markii danbe magaceega loo baddelay King's Men.

Ciyaaro farabadan ayuu sameeyay, waxaa ka mid ah  la “Hamlet, Othello, King Lear and Macbeth’ waxaana ugu caansanaa ciyaarta la yidhaa ‘ Hamlet.’  
Intii u dhexaysay 1589 iyo 1613kii, wuxuu soo saaray shaqooyin badan.

Sannadkii 1594kii wuxuu xidhay Tiyaatarkii ciyaaraha, wuxuuna allifay oo sameeyay laba gabay oo la kala yidhaa ‘ Venus iyo Adonis.’ Laba gabay oo ashaqaarleh ayay ahaayeen, waa lala dhacay habdhacooga, waxaan dib loo daabacay Shakespear intuuna dhiman ka hor dhammaadkii noloshiisa.

Wuxuu ahaa abwaankii ugu waynaa ee dalka Ingiriiska waqtigaa, waxaana la odhan jiray “ Abwaankii Qaranka Ingiriiska ~ England's national poet.”

Waa abwaankii ay maalintii dhawayd ee Marwo Mary Harper (Tifaftiraha BBC ee Laanta Ingiriiska), Dhacumentariga Hadraawi  ka diyaarisay ay ku meteshay. Waatii qoraalka ay Hadraawi ka diyaarisay ladhkiisa ka dhigtay “ The Shakespear Of Soomali ~ Shakisbiirkii Soomaalid”─oo ay Hadraawi uga jeeddo. Islamarkaana waxa ay tilmaamaysaa halka uu Shakespear ka joogay Ingiriiiska iyo sida uu u ahaa dadkiisa iyo dalkiisa ayuu Hadraawina dadkiisa iyo dalkiisa ka yahay. Walow aan saluugay odhaahdaa, haddana waxa ay innoo jilcisay halka uu Shakespear dadkiisa ka joogo.
Wuxuu dhintay April 23, 1616kii.

Xogdheeraad halkan guji; (https://www.biography.com/people/william-shakespeare-9480323)

Cabdirasaaq Sandheere

July 09, 2018


Comments

Post a Comment

Popular posts from this blog

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu...
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada...
Read more

Faallada buuga " Dariiqa Habdhaqanka~The Road to Character"

-
Image
  Hordhac Buuggan la yidhaahdo waxa qoray qoraa   David Brooks . Waa buugii 4aad ee uu qoray qoraagu. Mawduuca uu buugani ka warramayo qoraagu muddo badan ayuu dhigan jiray oo Jaamacadda YALE ka diyaariyay. Buugga waxa la daabacay sannadkii 2015kii, waqtigaas uu daabacay qoraagu wuxuu yidhi: “ Buuga waxa aan u qoray si aan u noqdo daacad, iyo si aan u badbaadiyo ruuxdayda. Qoraagu wuxuu buuga kaga warramayaa labada shay ee dabeecad ahaan qofka gudihiisa iyo debaddiisa ku hirdamaya. Nuxurka Buuga Waxa aynu kaga warrami doonaa cashirro ka mid ah kuwa buuga laga baran karo 1-       Isdhuldhigu waa awood: Awoodda dhabta ahi maaha kibirka, balse waa in qofku aqoonsado oo garto xuduudaha uu leeyahay, iyo inuu hore u socday. Isdhuldhigu waa seeska habdhaqanka. 2-     Muhiimadda deegaanka wanaagsan: Deegaanka wanaagsan ee qofka niyad ahaan taageerayaa wuxuu qaabeeyaa habdhaqanka. In aan nafaheenna ku hareerayno dadka wanaags...
Read more