Damiir Dhintay!

-

                            


Nin weyn ama gabadh weyn oo 25+ ah, ayaa soo istaagaya masrax, waxaanna la odhanayaa Taariikhnololeedkiinna (Background) ka warrama. Hadalkaba waxay ka bilaabayaan “ Hooyadey iyo Aabbahay markay isguursanayeen, hooyadey waa lagu qasbay Aabbahay… Hooyadey godob ahaan ayaa loo guursaday…. Hooyadey gudniinka fircooniga ah ayaa lagu sameeyay oo runtii dhib badan ayay soo martay….. Aabbahay hooyadey wuu dili jiray.. Hooyadey markay I dhashay ayaa la furey oo 4 nin oo kale ayay guursatay, anna silic baan kala kulmay nimankaa hooyadey qabay......”

Dadka noocaas u hadla ee waliba masraxyo boqol indhood horfadhiyaan lagana duubayo ka sheega, waxaan u aqaan qof aan damiirnool (Consceince Life) lahayn. Damiirkii haba lahaadee maa noola wuu hawlgabay si kale aan u dhigo ‘ wuu dhintay damiirkii!’ Qofka haddii ayna jirin wuxuu xeeriyaa oo xidhaa xadka wuu dhaafayaa. Wax laga xishoodo ayuu ku faanaa. Wax laga aamuso ayuu ka hadlaa. Wax laga meeraysto ayuu ku dulwareeggaa. Wax la iska indhotiro oo aan habbooneyn ayuu ku raaxeystaa oo uu u dhugyeeshaa!  Hadduu qofka damiirku dhintana waa qalfoof oo xoolo waxba ma dhaamo. Xooluhu malaha damiir ay wax xun kaga joogsadaane waxay doonaan xumaan iyo samaanba way ku dhaqaaqaan, iswayddiin la’aan!

Waa arrin lala yaabo in qofku arrimo hoose oo qof ahaaneed masrax kaga xarrgoodo. Waanna arrin lala amakaago in qofkaasi aqoonyahan sheeganayo! Waana arrin lalasii fajaco in qofku hooyadii iyo Aabbihii ku mashquulo oo arrimo u gaar ah dad ayna khusayn uga warramo! Waana arrin lalasii yaabyaabo ah in qofkaasi sheeganayo in damiirkiisu saxyahay!

Asalka bannaanba maaha qofku in arrin sir ah oo qoskooga ka dhacdey in uu fagaaraha keeno, oo shaaricyada kaga afgobaadsado. Haddii laga fursan waayo kaliya waa in uu qofku xaaladda qoyskooga ku soo koobaa “ Danyar baan ahayn oo Aabbahay iyo hooyadeyba wax shaqo ah ma hayn…. Qaxooti ayaan degannayn oo waxbarasho ma helin…… Hooyadey iyo Aabbahay aniga oo yar ayay isfureen….. Xaafad danyara oo aan waxba haysan ayaan ahayn…Hooyadey waxay fadhiisanjirtay suuqa…….”

Damiirku waa waxa uu qofku noolaha la nool kaga duwanyahay, gallad dheeraad ahna uu ku leeyahay. Waa waxa qofka qeyb ahaan xajiya ee debra, meelo badan oo uu faawal ku geli lahaanna isagu ka qabta. Haddii uu qofku waayana waxkasta oo uu markii uu damiirku noolaa uu u arkayay bahdil ayaa u noqonaya sharaf. Wuxuu markuu noolaa u arkayay magacdil ayaa ugu muuqanaya magacsamayn iyo caannimo.

Cabdirasaaq Sandheere
15, May 2018


Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more