Arjumidda
Arjumiddu (Rajmigu) waa in
qofka tunta ee xaaslaha ah ( Nin iyo naagba) lagu dilo dhagaxaan, ka dib marka
la helo ee ay caddeeyaan afar markhaati oo lagu kalsoonyahay, shuruudo badanna lagu
xidhey. Afarta markhaatiba waa in ay arkayeen in irbaddu dunta ku jirtay. Way
isku duljiifeenna lama aqbalayo, caddeyn dhab ah mooyiye. Haddii saddex ka mid
ahi arkaan oo uuna mid afartaa ka mid ahi arkayn qofkaa dhagax laguma dilayo. Xukunkaasina
ma fulayo, lamana fulinayo.
Xukunka Arjumiddu waa mid
waayahan danbe noqdey gabbaad Diinta lagu maago oo loogu soo gabbado. Xukunkan
waxa aan shaqo kalaba hayn oo ka shaqeeya rag badan oo u badan Calmaaniyiin iyo
Caqlaaniyiin. Nimankani waxa ay ku doodaan sideebaa qofnool dhagax loogu
dilayaa? Miyeyna arxandarro ahayn? Sideebayse caqligayaga u galaysaa? Nimanku
muraad intaa ka badan ayay leeyihiin oo ah in Diinta Islaamka hummaag khaldan ay
ka bixiyaan.
Arjumidda (Rajmigu) waa xukun
ka mid ah xukunnada waaweyn ee Diinta Islaamka. Waxaana jideeyey Allah, wuxuuna
yidhi “ Xaaslaha iyo xaasleydu marka ay sinaystaan rajmiya (Arjuma)….” Waa Aayad la nasakhay akhris oo xukun ahaan u
jirta weeyi, kana mid ahayd Suuratu Al-Nuur.
Rasuulkuna Xadiis dhawr ah ayuu
ku sheegay walow lagu doodey waa daciif, haddana ficilkaa arjumidda wuu
sameeyay oo gacantiisa ayuu ku fuliyey. In la fuliyana wuu amrey.
Nimanka Diiddan oo labadan
(Calmaaniya iyo Caqlaaniya) ugu
badanyihiin wax daliil ah ma hayaan aan ahayn caqliga. Nimankanna waa kuwo ay
hoggaamiyaan rag aqoon adduun leh, balse, ka arradan mid Diineed.
Xukun Diini ah oo waliba xuduud
ah, qofka diida Islaamnimadiisu waa halis. Qofka waxaa la gudboon in uu barto
xukunnad Diiniga ah si uuna u deeddifayn. Xukunkanna waxa uu ka midyahay
xukunnad ugu waaweyn ee Diinta Islaamka.
W/Q: Cabdirasaaq Sandheere
Comments
Post a Comment