Sucaad Suldaan Shaamisi: Qoraayadda Buugga ““ أمنيتي أن أقتل رجلا ~Hammigaygu waa inaan nin DILO.”
Sucaad Suldaan Ash- Shaamisi, waa qoraa, iyo injineerad
maaammulka diyaaradaha ku takhasustay.
Sucaad, Shahaadada Digreega koowaad waxa ay ku diyaarisay Injinineernimada
Diyaaraha. Shahaadada labaad ee Mastartana
maammulka diyaaradaha ayay Jaamacadda Conventry ee Boqortooyada
ingiriisiga ka diyaarisay. Haddana waxa ay diyaarisaa Shahaadaha Ph.D
kulliyadda maammulka madaarrada iyo diyaaradaha. Waanna gabadhii ugu horraysay
ee maammusha Madaarka Abuu Dabay ee cusub. Sidaa si la mid ah waa gabadhii ugu
horraysa ee Imaaraad ah ee maammul Madaar qabata sida warbixin ay warbaahinta (Al Aan TV تلفزيون الآن) ka
diyaarisay lagu sheegay. Waxa ay isku dayday inay Majaalkaa ka soo dhalaasho.
Wayna ka soo dhalaashay.
Sidoo kale, waa qoraa qortay
sheekooyin. Waxa ay qortay buug cajiib ah loo la yidhaa “ أمنيتي
أن أقتل رجلا
~Hammigaygu waa inaan nin DILO.” Waa buuggii ugu iibsiga badnaa waqtigaa ay
qortay, Bandhiggii Shaariqa ee sannadkaana buuggu wuxuu ahaa ka ugu iibsiga
badan. Aad baa loola yaabay buuggaasi, weliba waxa dadka soo jiitay oo xiiso
gaara u yeellay cinwaanka. Inta aan badhtanka la gaadhid waxa lala dhaygagay
baalka hore. Si farshannimo leh ayay u dhigtay magaca buugga.
Waxa kale oo ay qortay sheekada
la yidhaa "زهرة السوسن."
Sucaad, waa xaas, iyo hooyo carruur leh. Sida ay qortay Mareegta afka dheer leh
ee "العين
الإخبارية" waxa ay ku magacaabaan “ Sheekadii gabadhii Imaaraatiga
ahayd ee aan innaba caadiga ahayn.” Waa gabadh guulo horleh gaadhay, oo la isla
qiray.
Mar la wayddiiyay “ Ka warran dhallinyarannimadaadii?
Goormaad hibadan daaha ka fayday?” Waxa ay sheegtay in waqtigii ay yarayd
ay beerta guriga fadhiisan jirtay, oo ay samada eegi jirtay oo ay jeclayd
daawashada diyaaraha samada haadaya, waxaanna u dhawaa Garoonka Diyaaradaha
Dubaay oo ay diyaaraduhu isku dhaafi jireen. Sida ay u jeclayd diyaaradaha waxa
lagu magacaabay “ Tii Diyaaradda jeclayd.” Waxa ay se xustay in jaceylkaa
diyaaraduhu la waynaan doono, oo markay waynaatana caashaqi doonta diyaarada
iyo wixii la xidhiidha. Sidaa ay diyaaraha u jeclayd si le’eg ama ka badan waxa
ay u jeclayd akhriska, oo waraaqaha iyo buugaagta ayay akhrin jirtay.
Mar la wayddiiyay “ Cidda dhiirrigelisay, ee arrimahaa
samayntooda qaadhaan ku darsatay” waxa ay xustay Qoyskeeda, gaar ahaan
hooyadeed, iyo Wadaad la yidhaa Muxammed Binu Raashid Aala Maktuum oo ahaa
kuxigeenka Golaha Wasiirrada, oo ay
tidhi waxa uu ahaa ‘ Qofkii ugu horreeyay ee riyadayda I aaminsiiya misana I
jeclaysiiya barashada Injineernimada Diyaaradaha. Idanka Alle ka dib, isaga
daraaddii waxbarasho dibadeed, iyo barashada Kulliyaddaa ma barteen ayay ku sii
dartay. Kulliyadda ay baratay oo adag, misana aan gabdhaha aad ugu culus, iyo
iyada oo gabadha marka la eego culayska kulliyada si wanaagsan oo samir leh
ayay u dhammaysay.
Dhinaca qoraalka ay qorto aad baan ula dhacay. Buuggeeda
“ أمنيتي
أن أقتل رجلا
~Hammigaygu waa inaan nin DILO.” Oo aan
akhriyay waa buug aad iisoo jiitay, waxyaabo ashqaraar, murugo, farxad, layaab,
iyo waxkalaba leh ayay ku dhexgaynaysaa. Buuggaasi marka laga yimaad
cinwaankiisa waa jaadgooni ashqaraarleh.
Dhinaca hadiyaynta cidda ay u hadiyay buuggeeda waxa ka mid
ah “ Qofkaasta oo guursaday oo wehelhelay, misana wehelkii ku xumaaday oo quusi
daashatay.” Sidoo kale waxa ay u hadiyaysay “ laba kasta oo noloshu isbadday
wadajoogooda, xalkana aan haynnin iska takhallusaan mooyaane.”
Waa sheekooyin dhaba, se maskaxda qofka qariib iyo sogelooti
ku noqon kara ayay leedahay Sucaad.
Akhrintiisu waxa ay igu kalliftay inaan maqaal kooban ka
qoro, muuqaal ahaanna u duubo.
Muuqaal ahaan halkan ka daawo: https://www.youtube.com/watch?v=qx9ronTmxyc&t=124s
Tixraac:
W/Q: Cabdirasaaq Sandheere
22 Febraayo, 2020.
Comments
Post a Comment