Hal’abuurnimadu waa Ilbidhiqsi Quruxbadan. Laakiin…….

-


Hal’abuur ka noqo xagga dookha, aragtida, iyo go’aanka. Balse, hal’abuurku suurtagel maaha ilbidhiqsi kasta. Waxaa jira ilbidhiqsi kaliya oo hal’abuurnimada ku habboon.

Maqaal quruxbadan ayaan ku qoraa Masaajidka. Waxaa laga yaabaa inaan helo fekrad ashqaraar leh, aniga oo ku jira Suuliga. Basle, waxa ay ilbidhiqsiyadu ka sii ashqaraar badanyihiin markaan kaliday ku kaliyaysto qilkayga hurdada, xafiiska, marka aan dhammaysto akhrinta Buug wanaagsan, marka aan guto ee waliba dhammaysto Cibaado raad leh, ama marka aan dhagaysanayo mufaker fiican.

Waxa aan jeclahay inaan dadka kale ka duwnaado. Balse, ma jecli inaan qof wax isku adkeeya noqdo. Waxa aan akhriyaa aragtiyaha mufakiriinta kalageddisan. Ma jecli fekerka goonnigoosadka ah. Naftaydu waxa ay  ka agdhawdahay mufakerka wax cusub, adeg, halis ah qora. Waxa aan necbahay ka buugta wax ka soo guuriya ee aan wax aragtiya lahayn.

Waxa aan la noolanahay hal’abuurayaasha, gaar ahaanna caalamka fekerka. Waxa aan ku laabtaa kutubtooda si joogto ah. Garanmaayo, inta jeer ee aan akhriyay buugta Faylasuufka Cabdiwahaabn Al-Masiiri; waa hal’abuure fekereed iyo Falsafadeed. Waxa aan aad u jecelahay Buugta daaciyadda Qasaali; waa halbuure dacwadeed iyo carineed.

Waxaa innagu jirta cid wax akhrida. Balse,  aan waxba u fiirsan. Waxaa innag mid ah cid wax xifdida. Balse, aan waxba munaaqashayn. Waxaa innaga mid ah cid wax dhagaysata. Balse, aan waxba fahmin. Taasi waa mid ka muuqata Caalamka Islaamka. Waxaynna u baahantahay furfurid. Maxaan wax u akhrinnaa innaga oo aan fahmayn? Maxaynnu muxaadarooyinka u tagnaa innaga oo dhagaysi kaliya uga jeedna?
Ha akhriyin buug uu cinwaankiisu cajiibyahay, ama qaabkiisu wacanyahay. Balse, marka aad doonayso inaad wax akhrido waxa aad isku daydaa inaad akhrido muqaddamada, iyo qayb ka mid ah araarta. Sidoo kale eeg Tusmada. Halkaas ayaad ka garan qiimaha buugga. Immisa buug oo aad gurada kala yaabtay; ayaa gudaha ka madhan!
Waxa aad akhridaa fekerrda; balse, ha akhriyin kaliya sadarrada. Buugga mucdiisa la nooloow, balse, hala noolaan kalmadaha. Indhafuran wax ku akhri.  Adiga oo baraarugsan ruux baadhiseed ku akhri. Baadhiddana garasho ku dar. Waayo, garashadu waa cuntada ay noloshu joogtada ku sii ahaato ee ay ka dhashaan caqliyadu.


W/Q: Sh. Cabdiraxmaan Bashiir
W/T: Cabdirasaaq Sandheere
Dec. 07, 2018

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
  Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u same
Read more

MAXAAN KU SOO ARKAY MAGAALADA HERAR?

-
Image
    Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca
Read more

Cashir nooceeya ayaan ka baran karnaa Sheekada Shammuuri?

-
Image
  Qofku marka aanu fursaddaa diyaarsanayn haddii ay timaaddo wuu dayacaa, meel bannaana wuu ku dhacaa. Waayo, fursadaha noloshu si kedis ah oo bilaa ogaysiis ah ayay ku yimaaddaan. Waa sababta markasta loo yidhaahdo: " Diyaargaraw. Diyaargarawgaa waxkasta ka horreeya." Waayo, fursaddu kuma sugayso, haddaanad diyaar ahayn oo degdeg uga faa’deysan, way ku dhaafaysaa.  Adiga oo aan diyaar ahayn in ay fursadi timaaddo oo sidaa kugu dhaafto adoon ka faa'idaysan waxa ka wacan adoo diyaarsan inaad fursad waydid. Waayo, ta hore waa qoomamo, ta danbana waa shay nasiib ku siin waayay, oo waxa laga yaabaa inay fursaddii weli kuu soo socoto. Mudane Shamuuri oo soo caan baxay bishii 2aad ee sannadkan 2024, kuna soo caanbaxay markhaatigii uu furay Kiiskii Gubidda Marxuum Luul. Isaga oo markii su'aalaha maxkamaddu wayddiisay markasta ku darayay ' Masha Allah, Insha Allah..." Labadaa kalmadooda iyo hadalkiisa ayaa bulshada aad usoo jiitay, aadna upa dhaceen. Iyada oo la hada
Read more