Xogkorodhsi

  Hordhac   Waxa dhammaanaya sannad, oo waxa lagu jiraa maalmihii ugu danbeeyay sannadka 2024ka. Waa ila muhiim inaan dib ugu laabto sannadkaas galbaday. In qofku naf ahaan u xisaabtamo, oo sannadka tagay wax iska wayddiiyaa waa muhiim. Waliba inuu qofku ogaado wixii u qabsoomay, iyo wixii ka qabyoobay saamayn wanaagsan ayay mustaqbalkiisa leedahay. In waqti tagay maxaa qabsoomay iyo maxaa qaldamay la iska wayddiiyaa horumar danbe oo amminta soo socota ah ayay keentaa. Qofku wixii ka qaldamay sannadka soo socda inuu saxo ayuu u xadhkaxidhanayaa.Sidoo kale, waxa ay keenaysaa sannadka soo socdana inuu u diyaargaroobo oo dadaal iyo halgan adag la yimaaddo. Aniga oo taas ka duulaya, waxa aan rabaa sannadkan dhammaaday ee 2024 ka aan si kooban u sheego waxa aan dheefay, buugta aan akhriyay, qoraallada aan qoray, waxa aan bartay, turjumaadda aan sameeyay, magaalooyinka aan u safray IWM. Akhriska Akhrisku waa caadadayda. Maalinkasta waxa aan jeclahay inaan wax akhriyo. ...

#1 Ma laguu sheegay in sannadkii 2024 sii dhammaanayo, oo maantu ugu danbayso. Sannad tirsiga 2024 lihi taariikhda dib looguma arkayo. Sida waqtigu u socdo ayuu cimrigaaga iyo waqtigaaguna u socdaa. Maalin ba maalinta ka danbaysa noloshaadu dhinaca dhammaadka ayay usii durkaysaa.  Ma laguu sheegay in waqtigu waayadan sidii hore ka degdeg badanyahay oo aad mooddid in waqtigiiba barakada laga qaaday. Waqtigiiba Bajaaj ordaysa ayaad mooddaa. Degdegu waa barako la'aanta, waxkasta oo aan barako lahayn sidaasuu u qaddimaa. Imika sannadkii bil buu noqday, bishiina toddobaad bay noqotay, toddobaadkiina maalin buu noqday, maalintiina saacad bay noqotay, saacaddiina daqiiqado ayay noqotay, daqiiqadihiina sikinno ayay noqdeen. Waa barako la'aantee waqtigiiba wuu soo koobmay.  Ma laguu sheegay in waqtigu nolosha yahay. Bal joogso oo yara feker. Waqtigu waa nolosha. Marka dhinackasta laga eego waxa waqtiga lagu qeexayaa nolosha socota ee la noolyahay. Noloshu ma aha wax muuqata, sidaas si ...

Markii aan 39 sano jirsaday waxa aan u guuray gurigayga oo ku yaalla Ingiriiska. Tani waa hadafkaygii ugu waynaa ee aan gaadhay ka dib muddo 7 sano ah oo aan nadiifiye ka shaqaynayay.  Marar badan waxa inna niyadjabiya waxa ay dadku innaga odhan doonaan marka aynu u sheegno waxa aynu ka shaqayno markaynu joogno dalalka Qurbaha. Anigu ma tixgelinayo waxa aad ka odhanaysid shaqadayda, mar haddii aan cuntadayda ku filanahay, biilkaygana iska dabbarayo oo biilasha bixinayo.  Haddii aad doonaysid in aad halkan oo kale gaadhid jooji lacagtan aad ku bixinaysid waxyaabo aan berri ku anfacayn, cabbitaan qaaliya, iyo in aad ka iibsatid dhar qaaliya.  Sannadkan,  shay kaliya ayaan dhar cusub soo Iibsaday, dhammaan dharka kale ee aan soo Iibsaday waxa ay ahaayeen Huudhaydh, waxayna ahaayeen dhar si wacan ii leeg.  I  aamin, in alla inta wax ku soo galayaan ee wixii ku soo gala qayb kaydsanaysid- haba yaraado  kaydkuye-  Waxa aad samaysanaysaa hanti kuu gaara....

  Hordhac Buugan la yidhaahdo ‘ Ninkii ugu farxadda badnaa dunida ~ THE HAPPIEST MAN ON EARTH ’ waxa qoray qoraa Eddie Jaku . Wuxuu kaga warran sifooyinka ay leeyihiin dadka ugu farxadda badan dunidu iyo waxyaabaha gaarka ah ee ay sameeyaan. Qoraagu wuxuu buuga soo saaray sannadkii 2010kii. Nuxurka Buuga 1- Waxa jira waxyaabo badan oo lacagta ka qaalisan Way fududdahay in aad maskaxda ka dhaadhicisid in in lacagtu tahay shayga kaliya ee ugu qaalisan ama kaydka ugu muhiimsan ee bulshadu haysato. Lacagtu had iyo jeer waa mid ku meelgaadh ah, oo la mid ah waxyaabaha kale ee nolosha jira. Waa la helaa, waana la waayaa, balse intee in leeg lacaga ayaad rejaynaysaa haddaad heshid in aad farxad dareemaysid? Waxa jira waxyaabo badan oo lacagta ka qaalisan, waxyaabahaas waxa ka mid ah: -          Khibradda. -          Xidhiidhadhada wanaagsan -         ...

  Buuga ‘ The Power of a Positive Mindset’ waxa qoray Jason Wolbers. Af soomaali ahaan waxa aan mu macnayn karnaa ‘Si Togan u Fekeriddu.’ Buugu wuxuu ka warramayaa sida maskaxda sida togan u fekeraysaa saamayn wacan ee ay ku yeelan karto waayaha kala duwan ee qofka noloshiisa. Halkan waxa aan ku soo koobayaa shan cashir oo aynu ka baran karno buuga: 1- Saamaynta fekerrada xaqiiqada ku salaysan: Qoraagu wuxuu xoojinayaa in fekerradeennu qaabeeyaan xaqiiqada. In qofku abuuro fekerro togani waxa ay saamayn ku yeelataa habfekerkeenna, habdhaqankeenna, iyo   natiijooyinkeenna. Sidoo kale, waxa ay innagu hoggaamisaa in aynu gaadhno guulo nololeed oo badan iyo inaan nolosha waxbadan qabsanno. 2- In qofku iska gabagabeeyo fekerrada taban ee naftiisu ugu sheekaynayso: Buugu wuxuu hoosta ka xarriiqayaa muhiimadda ay leedahay in la aqoonsado ka dibna laga takhalluso fekerrada taban ee naftu qofka ugu sheekaynayso. Waa in meesha laga saaraa shakiga nafta iyo dhalleecaynta naft...

  Hordhaca Buugan la yidhaahdo ‘ Garo A karaankaaga’ waxa qoray qoraa   MYLES MUNROE. Qoraagu mawduucyada la xidhiidha arrimahan karaanka ayuu aad wax uga qoraa. Qoraagu wuxuu ahaa siyaasi xilal kala duwan oo wasiirnimo soo qabtay, sidoo kale waa dhirrigeliye, macallin jaamacadeed iyo qoraa. Buug kala duwan buu qoray, buugta uu qoray waxa aan ka xusi karaa   buuga la yidhaahdo “ The Principle and Power of Kingdom Citizenship: Keys to Experiencing Heaven on Earth" oo uu qoray sannadkii 1992kii. Qoraagu wuxuu dhintay sannadkii 2014kii. Isaga iyo xaaskiisa ayaa ku geeriyooday shil diyaaradeed. Shilku wuxuu ka dhacay Grand Bahama International Airport. Nuxurka Buuga Buugan qoraagu wuxuu soo saaray sannadkii 1992kii. Halkan waxa aan ku soo koobaynaa 10 cashir oo laga baran karo buuga: 1-       Garo ujeeddada kuu gaarka ah: Buugan ‘ Garo Karaankaagu’ wuxuu inna barayaa muhiimadda ay leedahay in aan yeelanno oo xoojinno ujeeddooyinkeenna. Mar...

    Hordhac   In la hoggaamiyo dadka maskaxda badan macnaheedu waxa weeyaan in la abuuro deegaan ama jawi lagu koro, oo aan kaliya badbaado uun ahayn.” Buugan "How To Lead Smart People," waxa lagaga warramayaa in si tayo leh loo hoggaamiyo dadka maskaxda badan iyo shakhsiyaadka xirfadaha leh. Buuga waxa aan ka baran doonaa cashirro dhawr ah.   Nuxurka Buuga   Siddeed cashir oo buuga laga baran karo ayaynu soo koobi doonaa: 1-      Xidhiidh macno leh Hoggaamiyayaasha caqliga badani waxa ay sameeyaan xidhiidh macno leh oo waxa ay si cad u qeexaan hadafyadooda iyo filashooyinkooda. Arrintani waxa ay ka caawinaysaa hoggaamiyuhu inuu awood yeesho, misana isaga oo xoojinaya wadakeeshaysiga furan ee uu la yeelanayo kooxda, isaga oo qofkastana si wacan wax ugu calaamadinaya. 2-     Dhegaysi wacan Dhegaysiga wanaagsani waa u muhiim hoggaaminta fiican. Waa in hoggaamiyuhu si wacan ula falgalo xubnaha kooxda, waana...

Hordhac Buugan la yidhaahdo ‘ Attitude Is Everything” waxa qoray qoraa   Jeff Keller . Qoraagu waa qoraa wayn oo wax ka qora arrimaha habdhaqanka, caadada IWM. Buugan wuxuu soo saaray sannadkii 1999kii.   Wuxuu kaga warramayaa in habdhaqanku waxkasta yahay oo muhiim iyo lafdhabar u yahay shaykasta. Habdhaqankaagu waa shayga kaliya ee aad waxkasta ku maarayn kartid. Had iyo jeer ma xakamayn kartid duruufaha, balse markasta waad xakamayn kartaa habdhaqankaaga.; habdhaqankaaguna wuxuu go’aaminayaa sida aad uga falcelisid xaaladaha jira. Nuxurka buuga 7 cashir oo laga baran buuga 1-       Habdhaqankaagu waa daaqadda adduunyada aad ka galaysid: Qoraagu wuxuu carrabka ku adkaynayaa in habdhaqankaagu go’aamiyo sida aad usoo jiidanaysid una falgalaysid dunida. Habdhaqanka wanaagsani wuxuu kuu oggolaananayaa in aad aragtid fursadaha iyo waxyaabaha suurtagalka ah; halka habdhaqannada xunxuni ay awoodaada xaddidayaan. 2-     2- Feker...

Samir yeelo oo ha isdhiibin. Labadan Canbaruud waxa ay ka wada baxeen isla hal caleen kaliya, waana isku hal geed. Mid ka mid ahi hore ayuu u bislaaday, halka ka kale weli uu u baahanyahay waqti uu ku bislaado.  Haddaba dabeecaddu waxa ay inna baraysaa cashir muhiima oo canbaruudkan ku duugan. Cashirkaas oo ah:  Marka aynu aragno dadka innagu hareeraysan oo guulo waawayn gaadhay, se innaguna aynaan weli guulo gaadhin, taas macnaheedu maaha in aan innagu nahay guuldarraystayaal. Macnaheedu waxa weeyaan innaga aan weli guusha gaadhin waqtigeennii ayaan go'in oo weli may gaadhin xilligii guusheenna ku habboonaa.  Sidaas darteed, ku soco hawshaada. Samir yeelo, oo ha joojin xamaasadda aad u haysid horu u socodka.  Xasuusnoow in waqtigaagu imanayo, se uu u baahanyahay adkaysi, hawl iyo Duco.  Sawirka iyo xigashada guud: Pastor Rey  Turjumaaad: Sandheere