Cabdirisaaq Sandheere

Samir yeelo oo ha isdhiibin. Labadan Canbaruud waxa ay ka wada baxeen isla hal caleen kaliya, waana isku hal geed. Mid ka mid ahi hore ayuu u bislaaday, halka ka kale weli uu u baahanyahay waqti uu ku bislaado.  Haddaba dabeecaddu waxa ay inna baraysaa cashir muhiima oo canbaruudkan ku duugan. Cashirkaas oo ah:  Marka aynu aragno dadka innagu hareeraysan oo guulo waawayn gaadhay, se innaguna aynaan weli guulo gaadhin, taas macnaheedu maaha in aan innagu nahay guuldarraystayaal. Macnaheedu waxa weeyaan innaga aan weli guusha gaadhin waqtigeennii ayaan go'in oo weli may gaadhin xilligii guusheenna ku habboonaa.  Sidaas darteed, ku soco hawshaada. Samir yeelo, oo ha joojin xamaasadda aad u haysid horu u socodka.  Xasuusnoow in waqtigaagu imanayo, se uu u baahanyahay adkaysi, hawl iyo Duco.  Sawirka iyo xigashada guud: Pastor Rey  Turjumaaad: Sandheere

Hordhac Buuggan la yidhaahdo “ How Rich People Think~ Sidee hantiilayaashu u fekeraan?’ waxa qoray qoraa Steve Siebold oo ah qoraa inta badan wax ka qora arrimaha hodannimada, caadooyinka, iyo arrimaha la xidhiidha hodannimada. Isagu heer ahaan wuxuu ahaa hantiile. Buuga markii 1aad waxa la daabacay sannadkii 2010kii. Qoraagu wuxuu isbarbardhigayaa habfekerka, caadooyinka, habdhaqanka iyo guud ahaan geeddisocodka hantiilayaasha kala duwan, marka laga hadlayo dhinaca hanti samaynta iyo hantida. Farqiga u dhexeeya hantiilayaashu wuu kala duwanyahay. Nuxurka buuga Qoraagu wuxuu buuga ku xusayaa habfekerka iyo sida maanhagga qofku qayb uga yahay guusha hanti samaynta. Dhawrkan qodob ayaan ka xusaynaa: 1-       Hodannimadu waxa ay ka bilaabantaa maskaxda: Buugu wuxuu qalinka ku adkaynayaa in samaynta hantidu ka bilaabanto in abuuro maanhag iyo habfeker saxan. Sida aad hantida uga fekertid qayb wayn ayay ka tahay oo u saamaysaa natiijada hodannimadaada....

  Hordhac Buuggan la yidhaahdo waxa qoray qoraa   David Brooks . Waa buugii 4aad ee uu qoray qoraagu. Mawduuca uu buugani ka warramayo qoraagu muddo badan ayuu dhigan jiray oo Jaamacadda YALE ka diyaariyay. Buugga waxa la daabacay sannadkii 2015kii, waqtigaas uu daabacay qoraagu wuxuu yidhi: “ Buuga waxa aan u qoray si aan u noqdo daacad, iyo si aan u badbaadiyo ruuxdayda. Qoraagu wuxuu buuga kaga warramayaa labada shay ee dabeecad ahaan qofka gudihiisa iyo debaddiisa ku hirdamaya. Nuxurka Buuga Waxa aynu kaga warrami doonaa cashirro ka mid ah kuwa buuga laga baran karo 1-       Isdhuldhigu waa awood: Awoodda dhabta ahi maaha kibirka, balse waa in qofku aqoonsado oo garto xuduudaha uu leeyahay, iyo inuu hore u socday. Isdhuldhigu waa seeska habdhaqanka. 2-     Muhiimadda deegaanka wanaagsan: Deegaanka wanaagsan ee qofka niyad ahaan taageerayaa wuxuu qaabeeyaa habdhaqanka. In aan nafaheenna ku hareerayno dadka wanaags...

 Maalin ayuu Asxaabigii Cumeyr Binu Wahab u kacay dhinaca Kacbada si uu ugu soo cibaadaysto oo Sanamyada uga soo barakaysto. Wuxuu arkay Safwaan Binu Umaya oo fadhiya Dhagaxa Kacbada agteeda. Wuu salaamay, oo weliba salaantii Jaahiliga ee Carabta ayuu ku salaamay. Waxoogaa bay wadafadhiyeen oo sheekaysteen. Waxa ay isla soo qaadeen arrimo badan, oo ay ka midtahay dagaalkii Beder, iyo wixii iyaga iyo Muslimiinta kala gaadhay ee qabashada, iyo qafaalashada ahaa.  Iyaga oo sheekaysanaya, ayuu Cumeyr yidhi: “ Rabbiga Kacbada ayaan ku dhaartee haddii aan dayn wax aan ku bixiyo aanan haynin la igu lahayn, sidoo kale ayna jirin carruur aan ka baqayo inay gadaashay dayacmaan waxa aan u tagi lahaa Muxammed  oo waan dili lahaa, oo arrintiisa ayaan soo gegabayn lahaa, sharkiisana waan idin kaga filnaan lahaa.  Dabadeed, cod hoose ayuu ku sii raaciyay: “  Waxa jira wax igu kallifaya inaan Madiina tago, oo inankeygii Wahab ayaa halkaa lagu haystaa. Se shakibaan qabaa!” Safwa...

  Hordhac   Buuggan la yidhaahdo “ Barbaarteenna iyo Baraha Bulshada” oo cinwaanhoosaadkiisuna yahay ‘ Hagid iyo hagaajin’ waxa qoray Dr. Cabdikariin Bakaar. Waxa Af Soomaali ku turjumay Cabdixakiin Obsiiye oo ah turjumaa dhallinyaro ah, oo waayadan aad wax u turjuma. Buuga waxa uu kaga warramayaa carruurta iyo qaabka ay baraha bulshada u isticmaalaan. Wuxuu xusayaa halisaha baraha bulshada iyo saamaynta uu carruurta ku yeesho dhinacyada caqliga, jidhka, maskaxda, iyo guud ahaan raadadka taban ee ay carruurta ku yeesho baraha bulshadu. Nuxurka buuga Qoraagu wuxuu xusayaa in ubadku yihiin deeq iyo dayn Alle uu siiyo cidda uu doono. Waa gallad aan lagu keeni karin xoog iyo xeelad. Waa hadiyad Eebbe ku maamuuso cidda uu doono, saboolba ha ahaadee, una diido cidda uu doono hodan ba ha noqotee. Waa ubax iyo udgoon. Waa naxariis iyo naruuro. Waa iftiin iyo ilays. Waa hu’ iyo haybad. Xilligan la joogo dunidu waxa ay maraysaa waqti waxkastaa fududyihiin oo ilbaxnimada iyo iskufuran ji...

Aabbo ayaa la taliyay wiilkiisii, wuxuuna ku yidhi: " Wiilkaygiiyoow, nolosha saddex shay ha dayn:  1- In aad cuntid cuntada ugu wanaagsan. 2- In aad ku seexatid sariirta ugu raaxada badan. 3- Iyo in aad ku noolaatid hoy wanaagsan ..."  Wiilkii baa ku jawaabay: " Balse, aabbo waxa aan nahay sabool. Sideen ku heli karnaa waxyaabaha aad sheegaysid?"  Aabbihii caqliga badnaa ayaa ku jawaabay " Haddii aad cuntada cuntid marka aad gaajoonaysid, way kuu dhadhamaysaa, cuntada aad cuntidna waxa ay noqonaysaa ta ugu macaan eed cuntid.  Haddii aad si adag u shaqaysid oo shaqo badan qabatid marka aad seexatid waxa aad seexanaysaa hurdo raaxo leh.  Haddii aad dadka ula dhaqantid si wamaagsan, iyaguna si wanaagsan oo qalbiwanaag ah ayay kuula dhaqmi, waxaanad ku noolaan doontaa qaybiyadooda."

Xaaskii Amiirkii Muuminiinta ee Cumar Binu Cabdilcasiis ayaa waxa ay tidhi: “ Maalin ayaa aan u soo galay Cumar oo ku fadhiya masallihiisii, gacanta dhaban ka saaray, oo ilma dhabannadiisa qoysay. Marka ayaa aan ku idhi: ‘ Maxaa kugu dhacay?’ Waxa uu yidhi: ‘ Hoog baan ku suganahay Faadumooy oo waxa la ii dhiibay talada dadkan, markaas ayaan ka fekeray ka baahan ee gaajoonaya, ka buka, ka qaawan, agoonka niyadjabsan, gabadha agoonta ah ee cidlada ah, ka dulman ee xaqiisii meel laga mariyay, socotada la qafaashay, odayga way nee carruurta badan daba ordayso ee aan xoolaha lahayn, iyo kuwa la mid ah eek u nool dhulka aan xukumo. Markaas ayaan xaqiiqsaday in Alle wax iga wayddiin doono maalinta Qiyaame, sidaas darteed ayaan u ooyayaa.’…”  Masuuliyaddu waxa ay leedahay culays, waxa waajiba qofkasta oo cid masuul looga dhigaa inuu masuuliyaddaas ilaaliyo, haddii ifka cid la xisaabtanta uu waayo, ha ogaado in aakhiro jirta meel caddaalada oo lagula xisaabtami doonaa.  Madaxdeennu wa...

  Hordhac 30 Ogosto, 2024ka waxa aan safar saacado badan qaatay ku gaadhay magaalada Goday ee Xarunta Gobolka Shabeelle. Ujeeddada safarku waxa ay ahayd ka qaybgalka Bandhiga Caalamiga ee Goday oo maalmahaas ka furmayay magaalada Goday, iyo dalbarasho dadban oo ay muhiim tahay in qofku dhulka, bulshada iyo ciiddiisaba bartaa. Qoraalkan kooban waxa aan kaga warrami doonaa socdaalkaas dheer ee aan ku tagay magaalada Goday, meelihii aan sii maray, iyo guud ahaan wixii aan deegaannadaa ku soo arkay. Waxa kale oo aan si guudmara uga warrami Bandhiga Caalamiga ee Goday oo maalmahaas magaalada ka socda iyo sidii jewigu ahaa. Deegaannada aan Maray Markii koowaad ayaan magaalada Jigjiga dhinaca Koonfur Bari uga baxay, waa jidka dheer ee boqollaalka kiiloomitira ee deegaanno badan taga, aakhirkana gaadha magaalada aan u socdo ee Goday. Abbaaro 10:00 ayaan ka dhammaaday Jigjiga oo dariiqa cagta saaray. Dhulku cagaar buu ahaa, agagaarka iyo meelaha ku hareeraysan laamaydu waxa ay aha...

Dabeecadda dadku waxa ay u badantahay inay jecelyihiin inay si FUDUD wax ku helaan. Ma rabaan inay waqti, tacab, tamar iyo waqti geliyaan waxa ay rabaan. Xagga loo badanyahay ee la iska wada rabaa waa in fadhiga wax lagu helo. Se taasi wa dhacdo, hadday dhacdana way yartahay, mana raagto. Marka shaygu tacab iyo tamar ku yimaad, macne gaara ayuu sameeyaa, wuuna daa'imaa. Se wixii fudayd lagu helo, fudayd baa lagu waayaa. Inkasta oo ay dhaqanka bini'aadanka tahay inay jecelyihiin inay helaan waxayna u daalin, haddana waa mid u baahan in qofku fahmo muhiimadda ay leedahay hawlkarnimada iyo dadaalku. Wax qabo, dadaal oo waqti geli. Wuu kuu daa'imi, midho fiicanna aakhirka waad ka heli. Waxkasta oo raaga iyo waxkasta oo waqti qaataa macnuu sameeyaa, waana raandhiis.