Loollanka u dhexeeya Fekerka iyo Xorriyadda: Daariq Ramadaan Muunad ahaan.
Maanta Yurub, waliba gaar ahaan
Faransiiska waxaa ka jira loollan u dhexeeya fekerka iyo xorriyadda. Waxaanna
ku loollamaya mid ka mid ah haldoorka oo ah Barasare Daariq Ramadaan; oo u
dhashey Swiss, asal ahaanna ah Masaari, kana mid ah ragga ugu qalinka fiican
Yurub, iyo ragga mufakiriinta ah ee ugu waaweyn Muslimiinta casrigan. Sidoo
kale wuxuu matalaa Faransiiska oo ah dawlad isa saaran, lehna wanaag iyo
xumaanba. Waxa kale oo ay leedahay: Caddaalad, dulmi, Saqaafad heersare ah oo holcaysa , iyo
saqaafad dhaqaneed oo seefaysan (afeysan).
Faransiisku maanta wuu diidey
xorriyaddii uu laha fekeraagaasi (Mufekerkaasi) waxaynna doonasaa in fekeraaga
Islaamku noqdo fekeraa (Mufakir) reer Galbeed. Daatadiisii iska siibey, oo ah
fekeraa reer Galbeed. Islaamkana kaliya akhriyaya isaga oo aan u dhuundaloolin.
Taasina waata ay la doonayaan fekeraaga Al-Jeriyaanka ah ee Maxamed Arkoon, iyo
fekeraagga Swiss ee Masaariga ah Daariq Ramadaan.
Dr Daariq Ramadaan, wuxuu khad
cagaaran u matalaa fekeraaga Islaamka ah ee dhex muquurtey taariikhda iyo
Juqraafiga Islaamka (Caalamka Islaamka), shabakaddana gudaha u galey.
Dr Daariq Ramadaan, wuxuu si
hordhac ah u gudagaley mashruuc kakan oo
khatar ah, oo ay la socoto caddeymo fekereed. Wuunna sameeyey dhammaantood
intii uu dhex quusey fekerka reer Galbeedka ka dib. Wuxuu bartey Falsafadda
reer Galbeedka, waxa kaluu si wanaagsan u bartey luuqadda faransiiska, oo lagu
tiriyo in ay tahay muhiim laguna fahmo muuqaalka kore ee reer Galbeedka:
Waqtigii tagey, ka joogga, iyo ka soo socdaba (Mustaqbalka). Halkaa kuma
joojin, balse wuxuu sii dhex dabbaashey ilbaxnimada islaamka. Wuxuunna bartey fekerka Diiniga ah ee cusub, siduu u bartey
Fiqiga iyo Usuusha, gaar ahaan cilmiga maqaasida. Waxa kaluu qaatey koorasyo
aqooneed, wuxunna ka qaatey Al-Azhar Ash-shariif. Waxa
kale oo uu kusoo hanaqaadey gacanta Sheekh Digtoor iyo culmo kale oo ka mid ah
culimada [Jaamacadda] Al-Azhar. Wuunna iska laabtey markuu ka dhargey
(bartey) feker iyo Fiqiga.
Dr Daariq Ramadaan, waxaa lagu
tiriyaa tiriigyada fariiddada ah ee ka soo dhex baxey taariikhda fekerka
Islaamka ee cusub. Wuxuu luuqadda
Faransiiska ku qoraa fekerka Islaamka. Dadkana wuxuu kula hadlaa aqoontooda. Ku
qoridda luuqadda Faransiisku kaliya maaha in uu u minguuriyo uun luuqada kale
oo ay ka madhantahay dhadhan
saqaafadeed, balse, wuxuu fekerka ugu qoraa luuqadda Faransiiska si ay la
socoto dhadhan ruuxeed. Waa Yurubiyaan la hadla reer Galbeedka. Waanna kii la
loollami lahaa dabaqada wax baratey ee doonasa fahanka kaliya ee ay Diinta ka
qaataan wadanka aaminsan Calmaaniyadda, sida uu Musayrii, kutubtiisa ku
sheegay, gaar ahaan kitaabkiisa (العلمانية الشاملة ، والعلمانية
الجزئية )─oo
ah labo majallo.
Ninkani markuu ku hadlayo
luuqadda Faransiiska wuxuu ugu hadlaa sidii luuqad cusub. Waa geesi, balse,
wuxuu noolyahay waqti aan waqtighiisii aheyn. Waxaa jira Muslimiin badan oo aan
fahmeyn luuqaddiisa aqooneed iyo fekereedba. Balse, agtooda ay yaallaan
kumanaan tallaabo. Dad badan ma samaynayaan, sabobta oo ah geeddigu waxa uu
qorsheysanayaa muqtaqbalka feker ahaan. Waxaynna ku mashquulsanyihiin arrimahoogii
maalinlaha ahaa. Reer Galbeedku waxa ay wadaan dacwad aan ka madhneyn sababo
manhajeed, xubin kama aha urur diimeed. Iyada oo intaasiba jirto haddana reer
Galbeedku waxa ay wataan wararka Warbaahinta, maxaa yeelay waa inankii
(Al-Bannaa)─Allah ha u naxariistee.
Faransiisku, maanta wuxuu ku
noolyaha ilbidhiqsi cabsiyeed, wuxuunna ka cabsanayaa fididda (Faafinta) Islaamka,
[waxaanna haya] (Islaam-ka-cabsi~ Islamophobia)─Cabsidanna waa caddeyn, waayo khadkii Jihaadka aan jirini
wuu sii fidayaa. Dawladdana waxaa ku waajib ah in ay u dhug yeelato oo ay
ilaaliso ammaanka muwaadinka. Balse, waa in aynna isku khaldin fekerka
dhexdhexaadka ah ee Daariq Ramadaan, iyo fekerka Jihaadka ee Daariq Ramadaan u
arka in uu gaalyahay, mutaysanayana in la dilo!
Qarnigii tagey konteemayadii (50th), Saaratari oo
ah Faylasuuf fardafuul ah, ayaa wuxuu u
babacdhigey nidaamkii Faransiiska, wuxuunna la jirey mudaharaadyadii Al-Jeeriyaddii doonasay
xorriyadda waddankeeda. Wuunna diidey in uu xidho Madaxweynihii Faransiisku.
Waxaanna caddaatey in ay ceeb ku tahay Faransiisku in uu xidho Faylasuuf
Faransiis ah. Waxaaba la yidhi Saaratari wuuu ahaa Faransiis. Balse, maanta
Faransiisku wuxuu xidhey caqligii qofka Muslinka ah ee Bini-aadanka ah. Innagu waxaynnu ka suganaa Maxkamadda
Faransiiska natiijo, waxaynannu ku ogeyn intii aynnu taariikhda dhex mushaaxeynay
caddaalad.
Faransiisku, waa dawlad uu
dhawaatey khadka sucuudiga iyo Iiraan u dhexeeya ee loollanka xorriyadda. Sidaa
daraadeed, ka hadalka xorriyaddu ee reer Galbeedku wuxuu bilaabay in uu
dib-u-noqdo, ka dib dhiciddii gidaarkii kala teedayey shacabka Jermalka. Waxaabad moodaa in taariikhdu is taagaso.
Balse, caqliga Galbeedku wuxuu xaqiijiyey nooc ka mid ah horumarka oo ah
dhinaca xorriyadda. Caqligaasina umay suuragelin in uu dib u noqdaa. Iyada oo ay intaasiba jirto,
waxaynnu arkaynaa doorasho fekereed, ee fekerka nidaamka reer Galbeedka, iyaga
oo ka caadodhiganaya Islaamka; oo illoobaya jacelkii ay u qabeen xorriyadda!
Reer Galbeedka waxaa jira kooxo
wax doorta, waxa ay aad u taageeraan mufakir reer Swiss ee fekeraaga Islaamka Dr Daariq Ramadaan. Anna waxa aan
arkey kuwa ugu badan ee taabacsani in ay yihiin mufakiriin reer Galbeed ah, waa
aqoonyahanno, waxa ay sitaan shahaadooyin sarsare. Qaar ka mid ahi waxa ay
yimaadaan muxaadarooyinkiisa [Muxaadarooyinka Dr Daariq Ramadaan]. Waayo waxa
ay doonayaan in ay dhageystaan hadalkiisa kala geddisan, waana hadal aan
Calmaani aheyn [Calmaani uuna odhaneyn]. Balse, wuxuu u fekeraa si aqooneysan
oo mawdduuceysan. Waanna hadal aan caado uun aheyn, balse, wuxuu u fekeraa
waddada aqoonyahanna aqoonta Usuusha oo kale.
Waanna hadal aan ka maqneyn Aydhiyooloji, balse, ay la socoto ruuxdii
aydhiyoolajiyadu.
Xorriyaddu waxa ay ku noqotey
dhibaato fekeraagaa Islaamka ee reer Swiss (Ramadaan), waayo wuxuu ogaa in
xorriyaddu tahay tiir aasaas u ah fekerka Islaamka. Fekerka Diiniguna ma
diidayo xorriyadda, agtiisa. Iyada oo ay taasi jirto, haddan wuxuu Daari
Ramadaan wuxuu dhigey khaanad kaliya dhammaan kuwa xadgudba. Waanna aragti
midigeed oo dilasa ikhtiraaca iyo xidhiidhka fiican ee u dhexeeya shacabka.
Daariq Ramadaa, laguma tirin
karo shakhsiyad fekereed oo halbeeg leh, ama caadiga ah, basle, waa shakhsi aan
caadi aheyn oo indheergarad feker Bini-aadmi ah. Sidaa daraadeed ma jecla kuwa
nolosha ka eega xagasha siyaasadda. Waa Bini-aadan Qur’aanka ku indhakuusha.
Maaha mufakir Islaami ah oo la nool reer Galbeedka. Sidaa daraadeed ayeyna u
fahmi kareyn dadka leh fekerrada diyaarsani; ha ahaadaan Muslimiin ama
Yurubiyiinba.
Waqtiga Imtixaanka ayuu soo
baxaa mufakerka dhabta ahi, waxaanna soo muuqata dhakhsiyaddiisii dhabta aheyd.
Markuu mufakerku ku galo ilbidhiqsiga imtixaanka qanaaco, jamaahiirtu waxa ay
bilaabayaan in ay baadhbaadhaan fekradihiisa kana baadhaan buugtiisa dhexdeeda.
Maalintaa ayey u bilaabmasaa waddo cusubi, mana ahaado sida uu ahaa intaa ka
dib imtixaanku kii adkaa. Jidhkiisu isma baddelayo. Balse, waxa ay shaaca ka
qaadasaa asalka fekraddihiisa marxaladdan cusub ee loo baahanyahay. Anna waxa
aan rumeysanahay in saaxadu ubaahantahay ninkan, dushiisana ay ka muuqato fekrad
fariidnimo (Shaqeynaysa).
W/Q: Cabdiraxmaan Bashiir
(Af-Carabi)
W/T: Cabdirasaaq Sandheere
(Af-Soomaali)
10-02-2018, G.H: 10:00- 02:00.
Comments
Post a Comment