SIRTA CUSBOONEYSIINTA IYO HAL’ABUURKA
1-
Maalinkasta oo cadceeddi
soo booddo/baxdo waxbaa cusub. Adigu waxa aad isku daydaa in aad sidaas oo kale
noqoto, maalinkasta oo cadceedi soo baxdo aad adiguna cusboonaato. Dib-u-cusbooneysiintu
waa sirta nolosha.
2-
Iskudey in aad fahanto
adduunka aqoon cilmiyeysan; maaha kaliya in aad ku kaaftoonto hadallada
warbaahinta iyo saxaafadda oo qudha. Akhri buugta miisaanka culus, iyo
fekradaha shilis/xoogga badan leh. Waayo, isbeddelku waaka halaagaya ogeysiiska
maalinlaha ah ee isku eeg’eeg.
3-
Akhri fekrada waaweyn,
waayo, dhacdo kasta oo weyn waxaa ka danbeysa fekrad weyn. Dhacdadii shaacbaxa
Camlaaqigii Shiine, waxaa ka danbeeyay fekrado. In uu Galbeedku xoog lahaado
illaa maanta, waxaa ka dambeeya fekrado. Shaacbixiddii Ilbaxnimadii Islaamka ee
Taariikhd weynayd waxaa ka danbeeyay fekrado. La nooloow maalinlaha.
4-
Nolosha aamin. Qofka aan
nolosha aaminsanayni wuxuu ku noolaan nolol bilaa mawqif ah. Aaminnaaddu waa
labo jaad: A) Mid laga dhaxlo cid kale, taasina waa mid qabow oo aan nolol sameyn.
B) Iyo aaminaad lagu doorto baadhid iyo fahan, oo loo dhaqdhaqaaqo. Taasina waa
farqigii u dhexeeyey samirkii Bilaal uu ku samrey Cadaabta, iyo cabsidii
Muslimiinta qaar ay ka cabsadeen u babacdhigga noloshii waqtigaasi.
5-
Fekradaha aynigaa si
deggan ula dood; ulana dhaqan si mawdduuci ah. Ka qaado/faa’ideyso fekradaha
[wixii faa’ido kuu leh] dhiirrigelinta cadawgaaga; waayo, ilaahay ma abuurin
shar badhaxtiran. Gudaha sharkasta waxaa ku jira kheyr. Kheyrkastana sharbaa ka
danbeeya. Noloshu xaaladdeeduba waa salbabakh (ficiltan) iyo isdifaacid.
6-
Si joogto ah ugu noqnoqo
fekradahaaga; waayo, fekradaha bini-aadanku way horumaraan, wayna baaba’aan.
Wixii Waxyi saxiix ah la xidhiidha, waxaa waajib ah in aan gaws-danbeedka ku
qabsanno. Wixii dadaal ku yimaaddana/ka soo burqada, wuxuu aqbalanayaa in si
joogto ah loogu noqnoqdo. Feker lamataabtaan (Muqaddas) ahi ma jiro. Balse,
haka tanaasulin fekradahaaga bilaa dib-u-eegis. Dib-u-eegistana haka cabsan.
Waa waddada ugu muhiimsan ee horumarka fekradaha e.
7-
Dadka waaweyn kula
nooloow wax’akhris iyo saaxiibtinnimo. Waxaanad isku daydaa in aad akhrido
taariikhnololeedka hormuudkii qorayasha, mufakeriinta, iyo siyaasiyiinta. Sababtuna
waxaa weeyi [in aad ogaato] khibraddooda
iyo guushooda [ku qoran[ buugtaasi. Waxa aan akhriyey xasuusaha Cabdiwahaab
Al-Masayri, waxaanan ka helay wax aanan ka helin buugtiisa oo ah: cabqari
mufaker ah. Waxa kale oo aan akhriyey xasuusaha Ruujiya Al-Jaaruudi, waxaanan
ku arkey samirka qoraaga iyo halgankiisii aan joogsiga laheyn. Waxaa jira
boqollaal indheergarad iyo siyaasiyiin ah oo diwaangeliyey
taariikhnololoodkoodii, haka joogsan akhrintooda, wheel iyagaa ugu kheyrroone.
8-
Isku dey in aad naftaad
ula fadhiisato maalinle, fadhiyadaana ku fur kitaabka Ilaahay, adiga oo
dhiganaya ama akhrisanaya. Si fiican u fiirfiiri, balse, ka digtoonoow in aad
Kitaabka Ilaahay uku akhrido caqlitaariikheed ama caqli bilaa manhaj ah. Waxba
ka faa’ideysan maysid aan ajar aheyn. Waana weynaan bilaa shiki ah. Waxa aan tijaabo
ku arkey: Akhrinta deggan, adiga oo haysta waraaqad iyo qalin si aad u
diwaangashato, ee Kitaabka sharafta lihi FAA’IDO ayey u tahay nolosha cilmiyeed
iyo camaleeda.
9-
U nooloow si isku
dheellitiran ee xiisahaaga. Waayo, farxaddu waxa ay ku timaad isku dheellitirka.
Ha illoobin noloshaada gaar ahaaneed. Caafimaadku waa raasamaal muhiim ah, cun
cunto faa’ido leh, maaha ta aad jeceshahay. Sii waqti gaar ah raaxadda jidhka
iyo nafta. Qoysku waa dhalasho aamin ah; ha kala fogaan ehelkaaga nolol raaxo
iyo ruux leh. Asxaabtaada caawi, unoqo rafiiq, oo booqo, garo
dhibaatooyinkooda, la wadaag dhibaatooyinka qaar. Ha noqon qofk ‘Aniga~
أناني’ah. La nooloow humuumta Muslimiinta meelkasta.
Balse,ka taxaddir in aad akhrido [qoraallada] faafaya maanta ee dhaqanka quusta.
Nolosha waddankaaga mid wanaag ka fisha ahow. Haka mid noqon kuwa wax qaada ee
aan waxba bixin.
10-
Waxaa innala jooga cid
ka cabsanasa waajihidda, agteennana waxaa ah cid ka daashey waajihidda. Kuwa
hore waxay yuururaan bilaa waxqabad. Kuwa danbana waxay yuururaan bilaa raad. Wax
bilaabiddu badhtankey taal. Hadafyadaada ugu dhaqaaq si cilmi iyo degganaan
leh. Balse, ka digtoonoow, deegaannada wax niyadjebiya, iyo fekradaha wax laaya
(Sumeeya, dila, gummaada). Adigu waxa aad tahay sida aad u fekerto. Sidaa
daraadeed waxaa waajib ah in aad wanaag ka filato fekerkaaga.
Waa
TOBAN qodob oo dhammeystiran, waxa aan u hibeeyey walaalladeyda dacwadda iyo
fekerka leh. Qaata wixii aad u aragtaan munaasib; ka taga wixii daciifnimo
bini-aadan ku jirto. Waayi, caqliyadiinu way waaweynyihiin. KALMADAHAASI waxa
ay ka soo baxeen qalbi ka jecel carruurta ummaddiisa.
W/T: Cabdirasaaq Sandheere
Comments
Post a Comment