Xusni Mubarak: Madaxweynihii hore ee Masar
Xusni Mubaarak, ayaa shalay geeriyooday AHUN. Hawlgab ayuu
ahaa, oo da’ ahaan 92 gu ayuu
cagacagaynayay. Xusni, waxa uu ahaa jiitaa ama keligiitaliye caan ah. Masar
waxa uu xukamayay 30 sano, laga soo bilaabo sannadkii 1981kii ilaa 2011kii oo
xukunka laga tuuray. Ruugcaddaa in badan siyaasadda iyo maammulka kasoo
botorinayay ayuu ahaa. Waqtigaa uu Masar xukumayay aad baa loo tixgelin jiray
oo madaxweynayaasha laga haybadaysto ayuu ugu horreeyay.
Sannadkii 1928kii
ayuu dhashay. Wuxuu ku dhashay Kafr El-Meselha. Barashada Millatariga ayuu
galay, wuxuunna qaatay Kulliyada barashada Diyaaradaha. Baylood diyaaradeed
ayuu muddo ahaa. Sargaal ka tirsan
Ciidamada Hawada Masar ayuu ahaa in muddo ah. waxa kale, oo uu soo noqday
Abbaanduullaha Ciidamada Hawada Masar, iyo Kuxigeenka Wasaaradda gaashaandhigga
Dalka Masar. Markii ay Israa’iil iyo Masar is haysteen ee xurguftu ka kacday
Kanalka Suways, Xusni aad ayuu u dagaallamay, arrintaasi waxa ay ka dhigtay HALYAY
qaran oo muddadii danbe aad loo tixgeliyo. Sannadkii ku xigtayna derajo sare ayaa loo
dallacsiiyay.
Sannadkii
1975kii ayuu Madaxweyne Anwaar Saadaat Madaxweyne kuxigeen u magacaabay Xusni
Mubarak. Booskan isaga oo metelaya wuxuu ka qaybqaaday waanwaantii u dhexaysay
Israa’iil iyo Masar. Riyaad iyo Dimishaq
ayuu tagay Sebtenber 1975kii, si uu uga warramo heshiiska ay Israa’iil
wadagaleen. Waxa uu kulan ka diiday Madaxweynihii Suuriya ee waqtigaa Mudane
Hafez Al-Assad. Intii
wadakulmayeen Boqortooyada Sucuudiga waxa ay kulmeen Waliyulcahdi Fahad ooh ore
u diidday inuu Anwaar Saadaat la kulmo.
Xusni, waxa lagu
dhaawacay shirqoolkii lagu dilay Anwar Saadaat. Shirqoolka waxaa sameeyay
taliyii ciidama Sarreeye Guuto Khalid Islambouli.
Markii Anwaar Saadaat la dilay, waxaa xukunka si meelgaadh ah ula wareegay
Maxkamadda Ciidama.
Sannadkii 1981kii ayuu Xusni noqday madaxweynaha Masar. Wuxuunna
ahaa madaxweynihii 4aad ee Masar. Dalka dibudhis ayuu ku sameeyay. Ururkii
Waddamada Carab ayuu dib u shiday, oo Masar kaalin firfircoon ka gashay. Waxa
la xusaa inuu ahaa madaxweynayaasha tirada yar ee diidday inay Israa’iil
booqdaan. Wuxuu ku guuleystay inuu xidhiidh wanaagsan la yeesho Midowgii
Soofiyeeti.
Xukunka markuu la wareegay waxa uu qalabeeyay oo dibuhabayn
ku sameeyay ammaanka. Dhaqaale gooniya ayuu u qoondeeyay, meel la majeertana
wuu gaadhsiiya. Colaaddii gacanka Masar qayb ayay ka ahayd, oo Xusni ayaa
hoggaaminayay.
Shirqoollo badan ayaa la dhigay oo uu ka badbaaday. Illaa 6
jeer ayaa la shirqoolay sida BBC sheegtay. Madaxweynihii 2aad ee ugu muddada dheeraa
dalka Masar ayuu ahaa. Waxa ka muddo badnaa oo Masar in badan xukumayay MD
Maxammed Cali Baashaa oo dalka Masar xukumayay 1805kii illaa 1848kii, muddo 43
sano ah.
Xusni, dabayshii Guga Carabta la odhan jiray ee ka soo
bilaabantay Tuunisiya ayaa qaadday. Waxa xukunka laga tuuray 2011kii.
Muddaharaad socday 18 maalmood ayuu xukunka iska casilay Febraayo 2011kii.
Madaxweyne kuxigeenkii dalka in isaga iyo madaxweyne Xusniba iscasileen,
awooddii dalkan ay ku wareejiyeen Ciiddamada qalabka sida.
Wixii intaa ka danbeeyay Xusni waalla eedeeyay oo Jeel ayuu
galay. Waxaanna eedda lagu daray laba innamood oo uu dhalay. Xadhig ayaa lagu
xukumay. Dhawr mar ayaa arrimo caafimaad looga soo saaray.
Shalay 25, 2020, ayuu geeriyooday Xusni AHUN.
Sandheere
Comments
Post a Comment