GARO ILAHA KHEYRAADKAAGA NAFEED!
Kheyraad (Resourse) waa: shey
aad u adeegsan karto si aad ugu gaadho hadafkaaga.
Inkastoo ay jiraan ilo badan oo
kheyraad; waxaynnu kusoo ururrin afar qeybood: 1- Kheyraadka dadka 2-
Kheyraadka shey’yada 3- Kheyraadka Deegaanka 4- Kheyraad guud.
1- Kheyraadka
Dadka
Kheyraadka dadka waxaa laga
helaa naftaada iyo dadka kale. Waxaanna ka mid ah: Aqoonta ( Knowledge), iyo
Xirfadda ( Skills). Aqoontu waxa ay ka koobantahay shey kasta oo aad akhrido,
baadho, barato, ama aad xasuusato.
Hal’abuurnimadu ( Creativity)
waa qeyb kale oo ka mid ah kheyraadka qofka. Waanna habka qofku uu ku xallinayo
dhibaatada naftiisa, kuna bandhigayo dareenkiisa.
Si aad ugu guuleysato hadaf,
waxa aad u baahantahay labo shey: Waqti ( Time) iyo tamar ( Energy).
Sidoo
kale, qoyska iyo saaxiibbaduna waa qeyb ka mid ah kheyraadka dadka.
2- Kheyraadka
Shey’ yada
Kheyraadka walxuhu: Waa
dhammaan shey’yada muuqda ee aad u isticmaalaso si aad ugu guuleysato
hadafkaaga. Tusaale, lacagta. Haddaad doonaso in aad barato sida loo ciyaaro,
sided ku gaadhi kartaa hadafkaa? Waa
in aad lacag bixisaa.
3- Kheyraadka
Deegaanka
Deegaanku sidoo kale wuxuu
kuugu deeqayaa kheyraad kaa caawinaya in aad noloshaada ku raaxaysato,
xirfaddaada horumariso, iyo in aad xalliso dhibaatooyinkaaga. Waxyaabahaa kuu
sahlaya waxaa ka mid ah: Dugsiga, Dhigaal oolka, Dhakhtarrada, Carwooyinka, Barkinnada
iyo Tiyaatarrada.
4- Kheyraad
Guud
Kheyraadka sida dabiiciga ah
loo helo waxaa ka mid ah: hawada, biyaha, carrada, dhirta, iyo macdanta.
Dhammaan kuwan waa in aad si xilksanimo ah u isticmaashaa.
~ Waxa aan ka Turjumey buugga
Creative livin skills( 8TH Edition) waxaanna qorey: Sue Couch, Ed.D.
Ginny Felstehausen, Ph.D. Oatricia Clark, M.ed., CFCS.
W/T: Cabdirasaaq Sandheere,
04-01-2018, Habeen Khamiis ah.
HABKA
MAAMULKA NAFTA
Maamulka naftu waxa ay noqon
kartaa afar hab:
1-
Qorsheyn
( Planning).
2- Habeyn ( Organizing).
3- Fulin ( Inplementing).
4- Qiimeyn ( Evaluating).
Maskaxda ku hay in habkan uuna
dhammaan wada sheegayn wax kasta oo la xidhiidha maamulka. Noqoshada
maamule-nafeed oo loo riyaaqay waxa ay ku xidhantahay xirfado kala duwan, oo ay
ka mid yihiin: Go’aan qaadashada, xallinta dhibaatada, xidhiidhka, hoggaaminta,
urureynta, feker shiilidda, iyo
ikhtiraaca.
1- Qorsheyn ( Planning)
Waxaa
jirta odhaahda can ah “ Haddii aad ku guuldarreysato in aad qorshe yeelato,
waxa aad qorsheysay in aad guuldarreysato~ If you fail to plan, you plan to
fail.” Markaad waqti galiso in aad qorshe samayso, hawl fiican ayaad qabatey,
waxa aanad maalgalisay naftaad. Qorshaha guuleystay waxaa ka mid ah qodobaddan
soo socda:
A) Qeex yoolkaaga: Maxaad doonasaa
in aad ku guuleysato? Cabbir oo ku qoro meel. Marka laga yimaado hiigsigaaga koowaad;
yeelo oo qeex hiigsigaaga labaad.
B) Kala horreysiinta tixgeli:
Markaad ka fekerto ee aad dajiso hadafkaaga, tixgeli kuwa sida ay ukala
horreeyaan.
C) Qiimee kheyraadkaaga: is
wayddii; waa maxay kheyraadka kuu sahlaya ee kugu caawinaya gaadhida hadafkaaga?
Qoro oo liis garayso.
2- Habeyn
( Organizing).
Marka aad qorshe sameysato,
tallaabada labaad waa in aad habayso Si
aad u u hayso waxa aad u baahantahay kuwan:
A) Samayso Jadwal: Is wayddii;
waqti intee leeg ayey kugu qaadanasaa in aad samayso hawsha liiskaa kuugu
qoran? Tee baad marka hore billaabasaa?
B) Kheyraadkaaga meel iskugu gee:
Raadi waxa aad ubaahantahay ee qalab ah, kuuna sahlaya in aad gaadho
hadafkaaga. Isku gee dadaalkaaga iyo tamartaada, waxa aanad qorsheysaa sidii
aad u gaadhi laheyd hawshaada.
3- Fulin
( Inplementing)
Marka aad qorshaha iyo habaynta
dhammayso waa ku xigta in aad u guntato sidii aad u fulin laheyd, qorshahaaga.
Isticmaal kheyraadkaaga aad isku keentay, waxa aanad raacda liiskaaga adiga oo
eegaya jadwalkaaga. Adiga oo qorshahaagii raacaya, horumarkan billow, oo dhex
jibaax.
4- Qiimeyn
( Evaluating)
Waxa laga yaabaa in aad
istidhaa wuu dhammaadey habkii maamulka naftu marka aad soo dhammayso,
qorshaha, habeynta, iyo fulinta.
Tallaabadii u danbeysay ayaa kuu ahdhey.
Billow adiga oo qiimeynaya
maxsuulkaaga─miyaad ku guuleysatey hadafkaagii? Halkaa haku joojin! Qiimee
habka aad soo martey iyo dariiqa aad soo qaadey. Haddaad guuleysatay; maxaa kuu
sahlay in aad guuleysato?
Haddii aanad ku guuleysan
qorshayaasha qaar, is wayddii: maxaa dhacay? Daraasee oo ogow waxaa dhacay. Ma
dajisay qorshihii aad ku gaadhi laheyd guusha? Ma ku guuldarreysatay in aad
isticmaasho kheyraadkaaga kuwa ugu fiican.
HABKAN
GO’AAN QAADASHADA
Go’aan qaadashadu waa qeyb
nolosha ka mid ah. Go’aannada qaar aad qaadato waxa aad ku taami doontaa
gu’yaal soo socda, waayo, waxa ay ku siinayaan jihada iyo ujeeddada.
Raac habkan si aad go’aan midho
dhal ah ugaadho:
A) Qeex/Garo Go’aan aad doonaso in
aad qaadato: is wayddii maxaad u doonasaa in aad go’aankan qaadato? Maxaad ku
rejo wayntahay in aad ka gungaadho? Ayuu
saameyn karaa go’aankani.
B) Tiri
waxyaabaha suuragelka ah: Ururri xogo iyo
macluumad kugu hagaya in aad gaadho go’aan geesinnimo leh ka feker waxyaabaha
kaaga iman kara ee suuragelka ah.
C) Qiimee
maxaa Taban, iyo maxaa Togan: waxa
aad sii ogaataa, go’aan qadhaadh haddaan qaato maxaa Togan ee aan helayaa?
Maxaase Taban ee aan kala kulmayaa? Is wayddii sidee buu dadka kale usaamayn
karaa, adiga kaliya maahee?
D)Yeelo Dookh: Marka aad qiimayso wixii maxsuul ah; Ma toganayahay ma
tabanyahay. Dooro ka kuugu mumaasabsan.
E) Samee
Go’aankaaga: xaqiiqso waxa aad doonaso in
aad go’aanka ka gaadho, dabadeed, ficil u baddel.
F) Qiimee
Dookhaaga: In taa ka dib, waxa aad eegtaa
caaqibada ka dhalan doonta go’aankaaga. Ma samaysay dookh fiican? Sidee buu
go’aankaagu u saamaynayaa dadka kale? Aqbal maxsuulka ama natiijada kasoo
baxda, waxna ka baro.
~ Waxa aan ka Turjumey buugga Creative livin
skills( 8TH Edition) waxaanna qorey: Sue Couch, Ed.D. Ginny
Felstehausen, Ph.D. Oatricia Clark, M.ed., CFCS.
W/T: Cabdirasaaq Sandheere, 05-01-2018, Habeen
Jimce ah.
Comments
Post a Comment